મોરબીમાં આવેલ નલિની વિદ્યાલયમાં માનસિક રોગો અંતર્ગત વિવિધ સ્પર્ધા યોજાઈ
SHARE
JOIN OUR GROUP
મોરબીમાં આવેલ નલિની વિદ્યાલયમાં માનસિક રોગો અંતર્ગત વિવિધ સ્પર્ધા યોજાઈ
મોરબીના વાવડી રોડ ઉપર નલિની વિદ્યાલય આવેલ છે જેમાં રાષ્ટ્રીય માનસિક આરોગ્ય કાર્યક્રમનું આયોજન કરવામાં આવ્યું હતું આ કાર્યક્રમ મોરબી જનરલ હોસ્પિટલ અને દિવ્યજ્યોતિ ગ્રામ વિકાસ કેળવણી મંડળના સંયુક્ત ઉપક્રમે રાખવામા આવ્યો હતો અને નલિની વિદ્યાલયમાં રાષ્ટ્રીય માનસિક આરોગ્ય કાર્યક્રમ અંતર્ગત માનસિક રોગોનું નિદાન, મફત દવાઓ, કાઉન્સેલિંગ, પ્રોગ્રામની પત્રિકા, વિકલાંગતા, માનસિક તાણ અને સામૂહિક આરોગ્ય કેન્દ્ર ખાતે માનસિક રોગોની ઓપીડી વગેરેની માહિતી આપવામાં આવી હતી. આ કાર્યક્રમ અંતર્ગત માનસિક રોગ જાગૃતિ વિષય પર નિબંધ, ચિત્ર તથા વક્તૃત્વ સ્પર્ધા યોજાઈ હતી. જેમાં વિજેતા બાળકોને શિલ્ડ તથા પ્રમાણપત્ર શાળાના સંચાલક બિપીનભાઈ ભટ્ટ, મંડળના મંત્રી બાબુભાઈ ગામી તથા સ્ટાફના હસ્તે આપવામાં આવ્યા હતા.
