મોરબી જિલ્લાના ખેડૂતો માટે મધૂરમ ફાઉન્ડેશન દ્વારા પ્રાકૃતિક ખેતી શિબિરનું આયોજન
Morbi Today
મોરબીના ગાંધીચોક પાસે રાહદારી મહિલાને બાઇક ચાલકે ઉડાવી : ગુનો નોંધાયો
SHARE
JOIN OUR GROUP
મોરબીના ગાંધીચોક પાસે રાહદારી મહિલાને બાઇક ચાલકે ઉડાવી : ગુનો નોંધાયો
મોરબીના ગાંધી ચોક રીક્ષા સ્ટેન્ડ પાસેથી પગપાળા ચાલીને મહિલા પસાર થઈ રહી હતી ત્યારે તેને બાઈક ચાલકે હડફેટે લીધી હતી જેથી તે મહિલા રોડ ઉપર પછડાતા તેને મોઢા, જડબા અને હાથે પગે ઇજાઓ થઈ હતી જેથી કરીને તેને સારવારમાં ખસેડવામાં આવી હતી અને સારવાર લીધા બાદ મહિલાએ બાઈક ચાલક સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
બનાવની જાણવા મળતી વિગત મુજબ મોરબીના ઘૂટું ગામે રહેતા પારૂબેન મનસુખભાઈ ચૌહાણ (૪૮)એ હાલમાં મોરબી સીટી એ ડિવિઝન પોલીસ સ્ટેશન ખાતે બાઈક નંબર જીજે ૩૬ એન ૬૬૩૯ ના ચાલક સામે ફરિયાદ નોંધાવી છે જેમાં તેને જણાવ્યુ છે કે, મોરબીના ગાંધી ચોક રિક્ષા સ્ટેન્ડ પાસેથી તેઓ પગપાળા ચાલીને પસાર થઈ રહ્યા હતા ત્યારે બાઈક ચાલકે બેદરકારીથી તેનું વાહન ચલાવીને તેને હડફેટે લીધા હતા જેથી તેઓ રસ્તા ઉપર નીચે પડી જતા તેને મોઢા, જડબા, પગ, હાથ અને કાંડામાં ઈજા થઈ હોવાથી તેને તાત્કાલિક સારવાર માટે લઈ જવામાં આવ્યા હતા અને સારવાર લીધા બાદ પારૂબેનને હાલમાં બાઈક ચાલક સામે મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરુ કરી છે.
અકસ્માતમાં ઇજા
વાંકાનેર મોરબી નેશનલ હાઈવે ઉપર જીઓ કંપનીના પેટ્રોલ પંપ સામેથી પસાર થતા બાઈકને મેટાડોરના ચાલકે હડફેટે લીધું હતું જેથી કરીને બાઈઉક ચાલક હરેશભાઈને ઇજાઓ થયેલ હતી જેથી હરેશભાઈને સારવાર માટે હોસ્પિટલે ખસેડવામાં આવ્યા હતા અને ત્યાર બાદ કિશનભાઇ ગણપતભાઈ ઉર્ફે ધનાભાઈ વિજળીયા જાતે કોળી (ઉંમર ૨૪) રહે ઓળ ગામ વાળાએ ટાટા ૪૦૭ મેટાડોર નંબર જીજે ૧૧ યુ ૯૧૪૨ ના ચાલક સામે ફરિયાદ નોંધાવી છે જેના આધારે પોલીસે આરોપીને પકડવા માટે તજવીજ શરૂ કરેલ છે.
