મોરબી સહિત ત્રણ જીલ્લામાં દારૂના અનેક ગુનામાં સંડોવાયેલો આરોપી ઝડપાયો
SHARE
JOIN OUR GROUP
મોરબી સહિત ત્રણ જીલ્લામાં દારૂના અનેક ગુનામાં સંડોવાયેલો આરોપી ઝડપાયો
મોરબી, સુરેન્દ્રનગર તથા વલસાડ જિલ્લાના જુદાજુદા પોલીસ સ્ટેશનોમાં દારૂના ૧૧ જેટલા ગુનામાં સંડોવાયેલ આરોપીની મોરબી પેરોલ ફર્લો સ્કવોડ અને એલ.સી.બી.ની ટીમે ધરપકડ કરેલ છે અને આ આરોપી ૭ ગુનામાં એકાદ વર્ષથી નાસતો ફરતો હતો.
મોરબી પેરોલ ફર્લો સ્કવોડના પૃથ્વીરાજસિંહ જાડેજા અને દશરથસિંહ ચાવડાને મળેલ હકિકત આધારે પોલીસે મોરબી તાલુકા, વાંકાનેર તાલુકા, વાંકાનેર સિટી, તથા સુરેન્દ્રનગર જિલ્લા અને વલસાડ જીલ્લામાં દેશી વિદેશી દારૂના સાત ગુનામાં છેલ્લા એક વર્ષથી નાસતા ફરતા આરોપી બળવંતભાઇ જીવણભાઇ સાપરા રહે. મૂળ ચોટીલા હાલે સુરેન્દ્રનગર વાળાની સુરેન્દ્રનગરની વિમલનાથ સોસાયટીમાં આવેલ નેમીનાથ ફલેટની પાછળથી ધરપકડ કરવામાં આવી છે અને આ આરોપીની સામે ૧૧ જેટલા ગુન્હા નોંધાયેલ છે
આરોપી ઝડપાયો
બંધુનગર નજીકથી મધ્યપ્રદેશના નિમચ જિલ્લામાથી સગીરાની અપહરણ કરીને આવેલ આરોપીની પોલીસે ધરપકડ કરી છે અને છેલ્લા પાંચ માસથી નાસતા ફરતા આરોપી નેપાલ ફુલચંદ બૈરાગીને એન્ટી હ્યુમન ટ્રાફિકિંગ સ્ક્વોડે પકડ્યો છે અને તેની સાથે ભોગ બનનાર પણ મળી આવેલ છે અને તેની જાણ નિમચ જિલ્લા પોલીસને કરવામાં આવી છે.
