માળીયા (મી)માં ફોનમાં વાત કેમ નથી કરતી કહીને માતા-પુત્રીને ત્રણ કૌટુંબિક ભાઈઓએ ધોકા વડે માર માર્યો
Morbi Today
મોરબીમાં કાંતિનગર પાસેથી ૩૨ બોટલ દારૂ સાથે એક પકડાયો
SHARE
JOIN OUR GROUP
મોરબીમાં કાંતિનગર પાસેથી ૩૨ બોટલ દારૂ સાથે એક પકડાયો
મોરબીની માળિયા ફાટક ચોકડી પાસે આવેલ વસુંધરા હોટલની બાજુમાં કાંતિનગરના ઢાળિયા તરફ જવાના રસ્તા ઉપરથી પસાર થતા શખ્સને રોકીને પોલીસે ચેક કર્યો હતો ત્યારે તેની પાસેથી જુદી જુદી બ્રાન્ડની દારૂની ૩૨ બોટલો મળી આવી હતી જેથી કરીને પોલીસે ૩૨૦૨૦ રૂપિયાની કિંમતનો મુદ્દા માલ કબજે કર્યો હતો અને એક આરોપીની ધરપકડ કરી આગળની કાર્યવાહી હાથ ધરી હતી
જાણવા મળતી માહિતી મુજબ મોરબી શહેરમાં માળિયા ફાટક ચોકડીથી આગળના ભાગમાં આવેલ કાંતિનગર તરફ જવાના રસ્તા ઉપરથી પસાર થઈ રહેલા શખ્સને રોકીને પોલીસે ચેક કરતા તેની પાસેથી દારૂની જુદી જુદી બ્રાન્ડની કુલ મળીને ૩૨ બોટલો મળી આવી હતી જેથી કરીને પોલીસે ૩૨૦૨૦ રૂપિયાની કિંમતમાં મુદ્દા માલ કબજે કર્યો હતો અને દેવીસિંગ નારણસિંગ રાવત જાતે રાજપૂત (ઉંમર ૪૩) રહે, પલડી ધાન મંડી, તાડગંજ, અજમેર, રાજસ્થાન વાળાની ધરપકડ કરેલ છે અને તેની પાસેથી મળી આવેલ દારૂની બોટલો ક્યાંથી લઈને આવ્યો હતો તે દિશામાં હાલમાં પોલીસ દ્વારા તપાસ શરૂ કરવામાં આવી છે
દેશીદારૂની ભટ્ઠી
મોરબીના વીસીપરા વિસ્તારમાં સંઘવી જીન પાસે ઈકબાલભાઈ માણેકના મકાનમાં ભાડેથી રહેતા ઝરીનાબેન મહમદઈકબાલભાઈ મોવર જાતે મિયાણા (૩૫)ના રહેણાંક મકાનમાં પોલીસે દારૂની રેડ કરી હતી ત્યારે ત્યાં દેશી દારૂની ભઠ્ઠી ચાલવાનું ધ્યાન ઉપર આવ્યું હતું જેથી કરીને પોલીસે ૨૦ લિટર દારૂ તેમજ દેશી દારૂ બનાવવા માટે ઉપયોગમાં લેવામાં આવતો ૪૦ લીટર આથો અને ગેસનો બાટલો તેમજ અન્ય સાધન સામગ્રી મળીને કુલ ૨૧૦૦ રૂપિયાનો મુદ્દામાલ કબજે કર્યો હતો અને મહિલા આરોપીની ધરપકડ કરી રાબેતા મુજબની કાર્યવાહી હાથ ધરી હતી
યુવાનનું મોત
વાંકાનેરમાં મિલ પ્લોટ વિસ્તારમાં આવેલ અરુણદય સોસાયટીમાં પોતાના સગાના ઘરે ગોંડલથી આવેલ મનીષભાઈ વશરામભાઈ મકવાણા (૪૮) કુદરતી રીતે મૃત્યુ પામતા તેઓના મૃતદેહને પીએમ માટે વાંકાનેરની સિવિલ હોસ્પિટલ ખાતે લઈ જવામાં આવ્યો હતો અને આ બનાવની વાંકાનેર પોલીસને જાણ કરતા પોલીસે બનાવની નોંધ કરી રબેતા મુજબની કાર્યવાહી હાથ ધરી હતી
