મોરબી જીલ્લામાં વઘાસિયાથી ગાળા સુધીનો નવો બાયપાસ રોડ બની રહ્યો છે જેમાં 22 ગામના ખેડૂતોની ફળદ્રુપ, ઉપજાવ અને  કિંમતી જમીનની કપાત થવાની છે જેથી ખેડૂતો દ્વારા તેનો વિરોધ કરવામાં આવી રહી છે તો પણ સરકાર દ્વારા રોડનું કામ શરૂ કરાવવામાં આવ્યું છે જેથી કરીને આગમી સમયમાં ખેડૂતો દ્વારા ગાંધી ચિંધ્યા માર્ગે આંદોલન કરવા માટેની તૈયારીઓ કરવામાં આવી રહી છે.

મોરબી જિલ્લામાંથી નેશનલ હાઈવે નંબર 27 જે વઘાસિયાથી ગાળા સુધીનો અંદાજીત 52 કિલો મીટરનો હશે તેમાં 22 ગામના ખેડૂતોની ખેતી લાયક ફળદ્રુપ અને ઉપજાવ  કિંમતી જમીનની કપાત થવાની છે જેથી બધાજ ગામના ખેડૂતોએ નવા બાયપાસનો બહિષ્કાર અને વિરોધ કર્યો છે અને ખેડૂતોએ સરકારને અનેક વખત આવેદન પત્ર અને લેખિતમા  વાંધા અરજી કરી છે તો પણ સરકારે કોઈપણ જાતનો જવાબ આપ્યા વગર ખેડૂતોનો વિરોધ હોવા છતા પણ ખેડૂતોની પરવાનગી વિના ખેડૂતોના ખેતરમાં તાનાશાહીથી  રોડ માટેનું કામ ચાલુ કર્યું છે જેથી તેનો ઉગ્ર વિરોધ કરવામાં આવી રહ્યો છે અને આગામી સમયમાં ગાંધી ચિંધ્યા માર્ગે આંદોલન કરવા અને આગામી સમયની રણનીતિ ઘડવા માટે બધા જ ગામના ખેડૂત આગેવાનોની મિટિંગ મળી હતી.