મોરબીમાં માતાના ત્રાસથી કંટાળીને ઘરેથી નીકળી ગયેલી યુવતીનું અભયમની ટીમે પરિવાર સાથે કરાવ્યુ મિલન
Morbi Today
મોરબી : માતાના મઢેથી પરત આવેલ રીક્ષાને અજાણ્યા ટ્રક ચાલકે રફાળેશ્વર પાસે હડફેટ લેતા ચાર લોકો સારવારમાં
SHARE
JOIN OUR GROUP
મોરબી : માતાના મઢેથી પરત આવેલ રીક્ષાને અજાણ્યા ટ્રક ચાલકે રફાળેશ્વર પાસે હડફેટ લેતા ચાર લોકો સારવારમાં
મોરબી-વાંકાનેર હાઇવે ઉપર આવેલ રફાળેશ્વર ગામ પાસે અકસ્માત બનાવ બન્યો હતો.જેમાં રફાળેશ્વર ગામે આવેલ ખોડીયાર માતાના મંદિર પાસે તા.૯-૧૦ ના વહેલી સવારે છએક વાગ્યાના અરસામાં રીક્ષાને અજાણ્યા ટ્રકના ચાલકે ઝપટે લીધી હતી.આ અકસ્માત બનાવમાં આશાપુરા માતાના મઢ (કચ્છ) ખાતેથી પરત મોરબી આવી રહેલા મૂળજીભાઇ બટુકભાઈ સરાવલીયા (૩૮), મીનાબેન મૂળજીભાઈ સરાવલિયા (૩૫), રાહુલ મૂળજીભાઈ સરાવલીયા (૧૮) અને સુનિતાબેન સુરેશભાઈ વસાવા (૨૦) ચારેય રહે.ડોવેલ સિરામિક લેબર ક્વાર્ટર માટેલ રોડ મોરબી ને ઇજાઓ પહોંચી હોય ચારેયને અત્રેની શિવમ હોસ્પિટલમાં સારવાર માટે લાવવામાં આવ્યા હતા.બનાવને પગલે જાણ થતા તાલુકા પોલીસ મથકના બળદેવભાઈ દેત્રોજા દ્વારા નોંધ કરીને આગળની તપાસ શરૂ કરવામાં આવી છે.
અપહરણ-દુષ્કર્મના કેસમાં આરોપી જેલ હવાલે
થોડા સમય પહેલા મોરબીના જોધપર નદી ગામે કારખાનામાં સાથે કામ કરતાં પરિવારની સગીરવયની દીકરીનું એક ઇસમ અપહરણ કરી ગયો હતો.જે અંગે ફરિયાદ નોંધાવો પામી હતી.જેની તપાસ તાલુકા પોલીસ મથકના પીઆઇ ઘેટીયા તથા સ્ટાફ દ્વારા કરવામાં આવી હતી.અને પોક્સો, અપહરણ દુષ્કર્મના આ ગુનામાં હાલમાં તાલુકા પોલીસ દ્વારા આરોપી અર્જુન રમેશભાઈ મસાનિયા (૨૧) રહે બાધ તા.કુકસી જી.ધાર મધ્યપ્રદેશની ધરપકડ કરવામાં આવી હતી અને તેને કોર્ટમાં રજૂ કર્યા બાદ જેલ હવાલે કરવામાં આવ્યો હોવાનું પોલીસ સૂત્રોમાંથી જાણવા મળેલ છે.જ્યારે છેલ્લા કેટલાક સમયથી દારૂના કેસમાં નાસ્તા ફરતા આરોપી શક્તિ રાજુભાઇ ગોહિલ રજપૂત (૨૨) રહે.માથક તા.હળવદની પેરોલ ફર્લોની ટીમ દ્વારા ધરપકડ કરી સંલગ્ન પોલીસ સ્ટેશન હવાલે કરવામાં આવ્યો હોવાનું જાણવા મળેલ છે.
