મોરબીમાં માતાના ત્રાસથી કંટાળીને ઘરેથી નીકળી ગયેલી યુવતીનું અભયમની ટીમે પરિવાર સાથે કરાવ્યુ મિલન

મોરબીની મયુર સોસાયટીમાં એક અજાણી યુવતી છેલ્લા ઘણા સમયથી બેઠી છે તેવો અભયમની ટીમને કોઈએ કોલ કર્યો હતો જેથી અભયમની ટિમ ત્યાં દોડી ગઈ હતી અને યુવતીનું નામ સરનામું પૂછાતા તે ખુબ જ ગભરાયેલી હાલતમાં હતી જેથી તેને અભયમની ટીમે વિશ્વાસમાં લીધી હતી. ત્યાર બાદ પૂછપરછ કરીને યુવતીનું તેના પરિવાર સાથે મિલન કરાવ્યુ છે.

૧૮૧ ટીમના કાઉન્સેલર જાગૃતિ ભુવા, મહિલા કોન્સ્ટેબલ ખ્યાતિબેન બલેવિયા તેમજ પાયલોટ વિરમભાઇ જીડ દ્વારા યુવતીને પહેલા તો સુરક્ષિત જગ્યાએ બેસાડવામાં આવી હતી અને ત્યારબાદ તેને સાંત્વના આપવામાં આવી હતી અને પછી વાતચીત કરતાં યુવતીએ પોતાની મનોવ્યથા વ્યક્ત કરતા કહ્યું હતું કે, હું મારા માતા પિતા અને ભાઈ સહિતના પરિવાર સાથે એક કંપનીમાં રહું છું અને અમે મજુરી કામ કરીને ગુજરાન ચલાવીએ છીએ મારા માતા ક્યારેક ક્યારેક નશીલા દ્રવ્યોનું સેવન કરીને મારી સાથે ગેરવતૅન કરે છે અને અપશબ્દો બોલે છે તેમજ નાની નાની વાતો પર માનસિક રીતે ત્રાસ આપે છે તેમજ મારઝુડ કરીને ઘરની બહાર નીકળી જવાનુ કહે છે અને જીવનજરૂરી ચીજવસ્તુઓ પણ લઈ આપતા નથી જેથી કંટાળીને તે પોતાના ઘરેથી નીકળી ગઈ હતી ત્યારબાદ યુવતી પાસેથી તેના પરિવારજનનો ફોન નંબર મેળવીને યુવતીએ પોતાની કંપનીનું સરનામુ જણાવ્યુ હતું ત્યાં યુવતીને લઈને ગયા હતા અને યુવતીના પરિવાર સાથે વાતચીત કરી હતી ત્યારે સામે આવ્યું હતું કે, બપોરના સમયે મમ્મી-દિકરી વચ્ચે ઝઘડો થયેલ હતો બાદમાં યુવતી ઘરેથી નીકળી ગઈ હતી. બાદમાં અભયમની ટીમે યુવતીના માતા પિતાને સલાહ સુચન અને માગૅદશૅન આપ્યું હતું અને યુવતી સાથે ગેરવર્તન કે મારઝુડ ન કરવાં સમજવ્યું હતું અને યુવતીનું તેના માતા પિતા સાથે મિલન કરાવ્યુ હતું.