ફિલ્મી સ્ટંટ ?: મોરબીમાં બોલેરોમાં ભરેલ ઓવરલોડ માલમાંથી વસ્તુઓ પડું-પડું હોવા છતાં વાહન બેફામ ગતિએ રોડ ઉપર દોડતું રહ્યું ! સાબ્બાસ: દિલ્હીમાં અભ્યાસ કરતી રેપ પીડિત દીકરીની શિક્ષણ ફી મોરબીની મુસ્કાન વેલફેર સોસાયટી દ્વારા ભરવામાં આવી મોરબીમાં ચિલ્ડ્રન ડેવલપમેન્ટ ફાઉન્ડેશન દ્વારા ઓપન ગુજરાત ડાન્સ કોમ્પીટીશનનું આયોજન મોરબી જિલ્લામાં ખેડૂતોએ બિયારણ, ખાતર અને જંતુનાશક દવાઓની ખરીદી વખતે સાવચેતી રાખવા અનુરોધ મોરબી જિલ્લાના ૬,૩૨૭ થી વધુ ઉમેદવારોએ અનુબંધમ પોર્ટલથી કરાવી નોંધણી મોરબીના હજનાળી ગામે મંદિરમાંથી 9.91 લાખના આભૂષણો-છતરની ચોરી, તસ્કરોને પકડવા દોડધામ ટંકારા આઈ.ટી.આઈ. ખાતે ૧૯ નવેમ્બરે ભરતીમેળો યોજાશે ખેડૂતોને મળશે ભીડમાંથી મુક્તિ: મોરબી જિલ્લામાં ફર્ટિલાઈઝર વિતરણની નવી ડિજિટલ પહેલ: હવે FFS એપ દ્વારા ખાતરનું એડવાન્સ બુકિંગ કરી શકાશે
Breaking news
Morbi Today

મોરબીના નીચી માંડલ ગામે જુના ઝગડાનો રોષ રાખી યુવતીનો પીછો કરી છેડતી : ગુનો નોંધાયો


SHARE







































મોરબીના નીચી માંડલ ગામે જુના ઝગડાનો રોષ રાખી યુવતીનો પીછો કરી છેડતી : ગુનો નોંધાયો

મોરબી-હળવદ હાઈવે ઉપરના નીચી માંડલ ગામે રહેતા પરીવારની યુવતીનો પીછો કરી છેડતી કરવામાં આવતા ફરીયાદ નોંધાવા પામેલ છે. પ્રાપ્ત વિગતો મુજબ ભોગ બનેલ યુવતીએ તાલુકા પોલીસ મથક ખાતે રવિ છગનભાઈ સોલંકી રહે. નીચી માંડલ તા.જી. મોરબી સામે ફરીયાદ નોંધાવેલ છે તેમાં જણાવ્યા પ્રમાણે અગાઉ થયેલ બોલાચાલી ઝઘડાનો ખાર રાખીને તેણીનો પીછો કરીને છેડતી કરી પજવણી કરવામાં આવતી હતી. હાલ સ્ટાફના નંદરામભાઈ મેસવાણીયાએ તપાસ હાથ ધરેલ છે.


મારામારીમાં ઈજા
 મોરબી વેજીટેબલ રોડ ઉપરના ધરમપુર ગામે ઘરે થયેલ મારામારીના બનાવમાં ઈજા થતા કંચનબેન પ્રવિણભાઈ દેગામા (45) સોનાબેન શિવાભાઈ દેગામા (80)ને સિવિલે સારવાર માટે લાવવામાં આવ્યા હતા.

જયારે સામેના પક્ષેથી મુકેશભાઈ બચુભાઈ દેગામા (38) રહે.લાભનગર પાસે મોરબી-2ને ઘરે મારામારીમાં ઈજા થતા 108 વડે સારવારમાં સિવિલે લાવવામાં આવ્યા હતા. તેમજ આ મારામારીના બનાવમાં પ્રવિણભાઈ જીવાભાઈ દેગામા (50) રહે. લાભનગર પાસે ધરમપુર રોડને ઈજાઓ થતા તેઓને પણ સિવિલે સારવાર માટે લઈ જવાયા હતા. બાઈક અથડાતા ઝઘડો થયો હતો.


યુવાન સારવારમાં
 મોરબી-2 વેજીટેબલ રોડ ઉપરના ભીમસર પાસે થયેલ મારામારીના બનાવમાં ઈજા પામેલા લાલજીભાઈ મનુભાઈ વરાણીયા (32) રહે. ઈન્દીરાનગર માળીયા ફાટક પાસે મોરબી-2ને સિવિલે સારવાર માટે લઈ જવામાં આવ્યો હતો. તેમજ મોરબી વેજીટેબલ રોડ નદીના કાંઠે પિતાને ઘરે થયેલ મારામારીમાં ઈજા થતા સોનલબેન લાલજીભાઈ વરાણીયા (30) રહે. ઈન્દીરાનગર મોરબી-2ને પણ સારવાર માટે સિવિલે ખસેડાયા હતા. લાલજીભાઈ અને સોનલબેન બંને સોનલબેનના ઘરે ગયેલ ત્યારે બોલાચાલીમાં લાલજીભાઈના સાળા ભરતે ધોકા વડે માર માર્યો હતો.


યુવતી સારવારમાં
 મોરબી રવાપર રોડ કાલીકા પ્લોટમાં રહેતા શબાનાબેન શબ્બીરભાઈ ચાનીયા (34) રહેણાંક વિસ્તાર પાસેના આંગણવાડી નજીકથી એકટીવા લઈને જતા હતા ત્યારે વાહન સ્લીપ થતા ઈજા પામ્યા હોય સિવિલે સારવાર માટે લઈ જવાયા હતા. જયારે શહેરના ગાંધીચોક નજીક થયેલ મારામારીમાં ઈજાગ્રસ્ત થયેલા રમેશભાઈ ગોકળભાઈ રબારી (45) રહે. કાલીકા પ્લોટને પણ સિવિલે ખસેડાયા હતા.તેમજ મોરબીની વાવડી ચોકડી પાસે અજાણ્યા કાર ચાલકે બાઈકને હડફેટે લેતા બાઈક સવાર જયેશભાઈ જયંતિભાઈ અગ્રાવત (26) રહે. બાપા સીતારામ મઢુલી પાસે વાવડી રોડ મોરબી અને અર્જુન ખેંગારભાઈ સરવૈયા (20) રહે. બગથળા તા.જી. મોરબીને ઈજાઓ થતા દવાખાને સારવારમાં લઈ જવાયા હતા.
















Latest News