વાંકાનેર તાલુકામાં બાળકી સાથે સુષ્ટિ વિરુદ્ધનું કૃત્ય આચરનારા આરોપીને કોર્ટે ફટકારી 20 વર્ષની સખ્ત કેદની સજા

વાંકાનેર તાલુકામાં બાળકીનું અપહરણ કરવામાં આવ્યું હતું અને તેની સાથે સૃષ્ટિ વિરૂદ્ધનું કૃત્ય કરવામાં આવ્યું હતું જેથી કરીને સગીરાના પરિવારજને કરેલ ફરિયાદ આધારે પોલીસે આરોપીને પકડીને જેલ હવાલે કરેલ હતો જે કેસ મોરબીની સ્પેશિયલ પોક્સો કોર્ટે ચાલી ગયો હતો તેમાં મદદનીસ સરકારી વકીલ દ્વારા રજૂ કરવામાં આવેલા પુરાવા તેમજ દલીલને ધ્યાને લઈને કોર્ટે આરોપીને 20 વર્ષની સખ્ત કેદની સજા અને જુદીજુદી કલમ હેઠળ 16 હજારનો દંડ કરેલ છે.

વાંકાનેર તાલુકામાં તા 27/11/2016 ના રોજ 7 વર્ષની બાળકીનું સાંજના સમયે અપહરણ કરવામાં આવ્યું હતુ અને બાળકીને ફોસલાવીને બાવળની ઝાડીમાં લઈ જઈને તેની સાથે સૃષ્ટિ વિરૂદ્ધનું કૃત્ય કર્યું હતું જેથી કરીને બાળકીને ગંભીર શારીરિક ઇજાઓ થઈ હતી માટે બાળકીને સારવારમાં ખસેડવામાં આવી હતી અને આ મામલે સગીરાના પરિવારજને વાંકાનેર તાલુકા પોલીસ સ્ટેશને ફરિયાદ કરી હતી જે ગુનામાં પોલીસે આરોપીને પકડીને આગળની કાર્યવાહી કરી હતી ત્યાર બાદ આ કેસ મોરબીની મોરબીની સ્પેશિયલ પોક્સો કોર્ટમાં ચાલી ગયો હતો જેમાં મદદનીસ સરકારી વકીલ નિરજ ડી. કારીઆ 14 મૌખિક અને 30 દસ્તાવેજી પુરાવાઓ રજૂ કર્યા હતા અને ધારદાર દલીલ કરી હતી જેને ધ્યાને રાખીને કોર્ટે આરોપી શેરસીંગ ભોપાસિંહ સીસોદીયા (23) રહે. મૂળ એમપી હાલ રહે. ગ્રેટા સિરામિક્સ ઢુવા વાળને 20 વર્ષની સખ્ત કેદની સજા ફટકારી છે. અને જુદીજુદી કલમ હેઠળ આરોપીને કુલ મળીને 16 હજારનો દંડ ફટકાર્યો છે. તેમજ ગુજરાતની ભોગ બનનારને વળતર માટેની યોજના 2019 ના નિયમો અનુસાર ભોગ બનનાર માસૂમ બાળકીને આર્થિક અને સામાજિક ન્યાય આપતા 4 લાખ રૂપિયા તેમજ આરોપી દંડની રકમ ભારે તો તેના સહિત કુલ 4.16 લાખ રૂપિયા વળતર આપવા માટે કોર્ટે આદેશ કર્યો છે.