ફિલ્મી સ્ટંટ ?: મોરબીમાં બોલેરોમાં ભરેલ ઓવરલોડ માલમાંથી વસ્તુઓ પડું-પડું હોવા છતાં વાહન બેફામ ગતિએ રોડ ઉપર દોડતું રહ્યું ! સાબ્બાસ: દિલ્હીમાં અભ્યાસ કરતી રેપ પીડિત દીકરીની શિક્ષણ ફી મોરબીની મુસ્કાન વેલફેર સોસાયટી દ્વારા ભરવામાં આવી મોરબીમાં ચિલ્ડ્રન ડેવલપમેન્ટ ફાઉન્ડેશન દ્વારા ઓપન ગુજરાત ડાન્સ કોમ્પીટીશનનું આયોજન મોરબી જિલ્લામાં ખેડૂતોએ બિયારણ, ખાતર અને જંતુનાશક દવાઓની ખરીદી વખતે સાવચેતી રાખવા અનુરોધ મોરબી જિલ્લાના ૬,૩૨૭ થી વધુ ઉમેદવારોએ અનુબંધમ પોર્ટલથી કરાવી નોંધણી મોરબીના હજનાળી ગામે મંદિરમાંથી 9.91 લાખના આભૂષણો-છતરની ચોરી, તસ્કરોને પકડવા દોડધામ ટંકારા આઈ.ટી.આઈ. ખાતે ૧૯ નવેમ્બરે ભરતીમેળો યોજાશે ખેડૂતોને મળશે ભીડમાંથી મુક્તિ: મોરબી જિલ્લામાં ફર્ટિલાઈઝર વિતરણની નવી ડિજિટલ પહેલ: હવે FFS એપ દ્વારા ખાતરનું એડવાન્સ બુકિંગ કરી શકાશે
Breaking news
Morbi Today

મોરબીમાં અકસ્માત સર્જનારને સ્કુટી ધીમે ચલાવવાનું કહેતા યુવાનને માથામાં હેલ્મેટના ઘા ફટકાર્યા


SHARE







































મોરબીમાં અકસ્માત સર્જનારને સ્કુટી ધીમે ચલાવવાનું કહેતા યુવાનને માથામાં હેલ્મેટના ઘા ફટકાર્યા

મોરબીના વીસીપરા વિસ્તારમાં રહેતા યુવાનના મોટા બાપુના દીકરાની વહુ સાતેક મહિનાથી રિસામણે બેઠેલ છે અને તેના ભાઈએ યુવાનના બાઈકની પાછળ સ્કૂટીને અથડાવી હતી જેથી અકસ્માત થયો હતો. ત્યારબાદ યુવાને સામે વાળાને સ્કુટી ધીમે ચલાવવા માટે કહ્યું હતું જેથી ઉશ્કેરાઈ ગયેલ શખ્સે તેના હાથમાં રહેલ હેલ્મેટ યુવાનને માથામાં બે થી ત્રણ વખત મારીને ઇજા કરી હતી અને જાનથી મારી નાખવાની ધમકી આપી હતી જેથી ભોગ બનેલ યુવાને સારવાર લીધા બાદ મોરબી બી ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે. 

મોરબીના વીસીપરા વિસ્તારમાં આવેલ મદીના સોસાયટી નૂરી પાન પાસે રહેતા મહેબુબભાઈ ઈકબાલભાઈ ભટ્ટી (27)એ હાલમાં મોરબી બી ડિવિઝન પોલીસ સ્ટેશન ખાતે શાહરૂખ જુસબભાઈ સંધવાણી રહે. વીસીપરા મદીના સોસાયટી મોરબી વાળાની સામે ફરિયાદ નોંધાવેલ છે જેમાં તેને જણાવ્યું છે કે, તેઓના મોટા બાપુના દીકરાની વહુ છેલ્લા સાતેક મહિનાથી રીસામણે બેઠેલ છે અને તે હાલના આરોપી શાહરૂખની બેન થાય છે આ બાબતનો ખાર રાખીને આરોપીએ પોતાના હવાલા વાળું સ્કુટી ફરિયાદીના બાઈકની પાછળના ભાગમાં અથડાવ્યું હતું જેથી ફરિયાદીને રસ્તા ઉપર નીચે પાડી જતાં સ્કુટી ધીમે ચલાવવા માટે ફરિયાદી તેને કહ્યું હતું જે તેને સારું નહીં લગતા આરોપીએ ઉશ્કેરાઈ જઈને ફરિયાદીને ગાળો આપીને તેના હાથમાં રહેલ હેલ્મેટ ફરિયાદીને માથામાં બેથી ત્રણ વખત માર્યું હતું અને જાનથી મારી નાખવાની ધમકી આપી હતી. જેથી ભોગ બનેલા યુવાને સારવાર લીધા બાદ ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે. 

મારામારીમાં ઇજા

મોરબીના શનાળા ગામ પાસે લાયન્સનગર વિસ્તારમાં રહેતા મનોજભાઈ ગોવિંદભાઈ દેવીપુજક (35) નામના યુવાનને મારામારીના બનાવમાં ઈજા થઈ હતી જેથી કરીને તેને સારવાર માટે હોસ્પિટલે લઈને આવ્યા હતા અને આ બનાવની પોલીસને જાણ કરવામાં આવી છે

ફિનાઇલ પી લેતા સારવારમાં

ટંકારાના લજાઈ ગામે રહેતા લાલજી અમરશીભાઈ મકવાણા (29)એ કોઈ અગમ્ય કારણોસર ફિનાઇલ પી લેતા તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી હતી.
















Latest News