વાંકાનેરમાંથી ડુપ્લીકેટ નંબર પ્લેટ વાળા બુલેટ સાથે એક શખ્સ પકડાયો
SHARE
JOIN OUR GROUP
વાંકાનેરમાંથી ડુપ્લીકેટ નંબર પ્લેટ વાળા બુલેટ સાથે એક શખ્સ પકડાયો
રાજકોટ રેન્જ આઇજીની ટીમે વઘાસીયા બોગસ ટોલનાકા કાંડમાં સંડોવાયેલ આરોપીને ડુપ્લીકેટ નંબર પ્લેટ લગાવેલ બુલેટ સાથે ઝડપી લીધેલ છે અને તેની સામે વાંકાનેર સીટી પોલીસ સ્ટેશન ખાતે ગુનો નોંધીને પોલીસે આગળની કાર્યવાહી કરી હતી.
રાજકોટના રેન્જ આઇજી નિર્લિપ્ત રાયની સૂચના મુજબ તેઓની ટિમ કામ કરી રહી છે તેવામાં રેન્જના પીઆઈ અર્પૂવ પટેલના માર્ગદર્શન હેઠળ પીએસઆઈ પી.એન.મોરી, બી.સી.મિયાત્રા, સી.એમ.કાંટેલીયા સહિતની ટીમ પેટ્રોલિંગમાં હતી તેવામાં વાંકાનેર હાઈવે પર વઘાસીયા ગામ નજીકથી રવિરાજસિંહ વનરાજસિંહ ઝાલા રહે. જુના વઘાસીયા વાળાને બુલેટમાં ડુપ્લિકેટ નંબર પ્લેટ લગાવેલ હોવાથી પકડવામાં આવેલ છે અને આ શખ્સ પાસે રહેલા બુલેટનો નંબર જીજે 1 યુઈ 9888 હતો તો પણ તેણે ખોટી નંબર પ્લેટ જીજે 1 યુડી 9 લગાવી હતી અને તેનો ખરા તરીકે ઉપયોગ કર્યો હતો જેથી આ શખ્સને પકડીને પોલીસે તેની સામે વાંકાનેર સીટી પોલીસ સ્ટેશને ગુનો નોંધીને હાલમાં આરોપી તેમજ મુદામાલ આગળની કાર્યવાહી માટે વાંકાનેર સીટી પોલીસ સ્ટેશને સોંપી દેવામાં આવેલ છે. ઉલેખનીય છે કે, આ શખ્સ વઘાસીયા બોગસ ટોલનાકા કાંડમાં પણ સંડોવાયેલ હતો. તેવી માહિતી પોલીસ પાસેથી મળી છે.
