માળીયા (મી)માં છોકરાને ઠપકો આપવા બાબતે બે મહિલા સાહિત 4 લોકો ઉપર ધોકા, પાઇપ અને ધારિયા વડે હુમલો: 2 મહિલા સહિત 9 સામે ફરિયાદ મોરબીમાં ડોર ટુ ડોર કચરા કનેક્શનના કામમાં બાળ મજૂરી, એજન્સીના માલિક સામે ગુનો નોંધાયો મોરબીમાં ગોપાષ્ટમી પર્વે ડૉ. દેવેનભાઈ રબારીએ કર્યું ગૌપૂજન મોરબીમાં રહેતી યુવતીને પ્રેમીએ વતનમાં જવાના ના કહેતા ગળાફાંસો ખાઈને કર્યો આપઘાત ટંકારાના નાના રામપર ગામે ગળાફાંસો ખાઈને યુવાને કર્યો આપઘાત: હળવદના જોગડ ગામ પાસેથી અજાણ્યા યુવાનની લાશ મળી ફિલ્મી સ્ટંટ ?: મોરબીમાં બોલેરોમાં ભરેલ ઓવરલોડ માલમાંથી વસ્તુઓ પડું-પડું હોવા છતાં વાહન બેફામ ગતિએ રોડ ઉપર દોડતું રહ્યું ! સાબ્બાસ: દિલ્હીમાં અભ્યાસ કરતી રેપ પીડિત દીકરીની શિક્ષણ ફી મોરબીની મુસ્કાન વેલફેર સોસાયટી દ્વારા ભરવામાં આવી મોરબીમાં ચિલ્ડ્રન ડેવલપમેન્ટ ફાઉન્ડેશન દ્વારા ઓપન ગુજરાત ડાન્સ કોમ્પીટીશનનું આયોજન
Breaking news
Morbi Today

મોરબી જિલ્લામાં પરવાનેદારોએ ૧૫મી એપ્રિલ સુધીમાં હથિયારો જમા કરાવવા જાહેરનામું પ્રસિદ્ધ


SHARE







































મોરબી જિલ્લામાં પરવાનેદારોએ ૧૫મી એપ્રિલ સુધીમાં હથિયારો જમા કરાવવા જાહેરનામું પ્રસિદ્ધ

સ્થાનિક સ્વરાજ્યની ચૂંટણીને ધ્યાને લઈને શાંતિપૂર્ણ વાતાવરણમાં ચૂંટણી સંપન્ન થાય તેમજ કાયદો અને વ્યવસ્થાની સ્થિતિ જળવાઈ રહે તે હેતુથી જિલ્લા મેજિસ્ટ્રેટ કે.બી. ઝવેરી (IAS) દ્વારા પરવાનેદારોએ હથિયાર જમા કરાવવા માટે જાહેરનામું પ્રસિદ્ધ કર્યું છે. 

જિલ્લા રિકનીંગ કમિટીની બેઠકમાં લેવાયેલ નિર્ણય મુજબ, મોરબી જિલ્લાના જે આત્મરક્ષણ કે પાકરક્ષણના પરવાનેદારોને વ્યક્તિગત રીતે નોટિસ આપવામાં આવી છે, તે તમામ પરવાનેદારોએ પોતાના હથિયારો તા.૧૫/૦૪ સુધીમાં સંબંધિત પોલીસ સ્ટેશનમાં જમા કરાવી તેની પહોંચ મેળવી લેવાની રહેશે. આ હુકમ અન્ય રાજ્યમાંથી લાયસન્સ મેળવી મોરબીમાં રહેતા પરવાનેદારોને પણ સમાન રીતે લાગુ પડશે. આ જાહેરનામામાં કેટલીક શ્રેણીના વ્યક્તિઓ અને સંસ્થાઓને હથિયાર જમા કરાવવામાંથી મુક્તિ આપવામાં આવી છે, જેમાં ફરજ પરના પોલીસ કર્મચારીઓ, તમામ મેજિસ્ટ્રેટઓ, કસ્ટમ, ફોરેસ્ટ, ઇન્કમટેક્સ, સેન્ટ્રલ એક્સાઈઝ, પોર્ટ, રેલવે અને સંરક્ષણ દળોના અધિકારીઓ અને કર્મચારીઓનો સમાવેશ થાય છે. આ ઉપરાંત, સરકારી કે અર્ધસરકારી સંસ્થાઓ જેવી કે બેંકો અને કોર્પોરેશનના નામે ધરાવતા હથિયારો તેમજ માન્યતા પ્રાપ્ત સિક્યુરિટી એજન્સીના ગનમેન કે જેઓ બેંકો, એ.ટી.એમ. અથવા કરન્સી ચેસ્ટની હેરફેર સાથે જોડાયેલા છે તેમને મુક્તિ અપાઈ છે અને તા. ૩૦/૦૪ પછી ૭ દિવસમાં પોલીસ સ્ટેશન દ્વારા આ હથિયારો પરત સોંપવાની કાર્યવાહી કરવામાં આવશે.

ચૂંટણી અન્વયે જિલ્લામાં હથિયારબંધી

સ્થાનિક સ્વરાજ્યની ચૂંટણીને લઈને આદર્શ આચારસંહિતા અમલી છે. અને આગામી તા. ૨૬/૦૪ ના રોજ યોજાનાર મતદાન અને તા. ૨૮/૦૪ ના રોજ થનાર મતગણતરી પ્રક્રિયા શાંતિપૂર્ણ અને ભયમુક્ત વાતાવરણમાં સંપન્ન થાય તેમજ કાયદો અને વ્યવસ્થાની સ્થિતિ સુદ્રઢ જળવાઈ રહે તે હેતુથી જિલ્લા મેજિસ્ટ્રેટ કે.બી. ઝવેરી (IAS) દ્વારા પ્રતિબંધાત્મક જાહેરનામું પ્રસિદ્ધ કરવામાં આવ્યું છે. આ હુકમ અનુસાર, સમગ્ર મોરબી જિલ્લાના આત્મરક્ષણ કે પાકરક્ષણના પરવાનેદારોએ તેમના હથિયાર સાથે કોઈ સરઘસ કાઢવા, સભા યોજવા કે જાહેર સ્થળે હથિયાર સાથે હેરફેર કરવા પર સંપૂર્ણ પ્રતિબંધ લાદવામાં આવ્યો છે.આ જાહેરનામામાંથી સરકારી ફરજ પરના અધિકારી અને કર્મચારીઓ તેમજ નાણાકીય લેવડ દેવડ કરતી સંસ્થાના સ્ટાફને મુક્તિ આપવામાં આવી છે. 
















Latest News