મોરબીમાં પીએસઆઈ-કોન્સ્ટેબલની તૈયારી કરતી દીકરીઓને કોચિંગ ક્લાસનું આયોજન

મોરબીમાં પીએસઆઈ-કોન્સ્ટેબલની ભરતી માટે તૈયારી કરતી દીકરીઓને નિવૃત્ત આર્મી ઓફિસર દ્વારા છેલ્લા બે વર્ષથી નિઃસ્વાર્થ ભાવે તાલીમ આપવામાં આવે છે જેમાં ખાસ કરીને સ્પોર્ટ્સ અને શારીરિક તાલીમ આપવામાં આવી રહી છે. જે અંતર્ગત આ વર્ષે પણ સતત સાડા ચાર મહિનાની ફિઝિકલ ટ્રેનિંગ પૂર્ણ કર્યા બાદ હવે લેખિત પરીક્ષા માટે તાલીમ આપવાનું આયોજન કરવામાં આવ્યું છે.

મોરબીમાં નિવૃત્ત આર્મી ઓફિસર સહદેવસિંહ પી. ઝાલા દ્વારા પીએસઆઈ-કોન્સ્ટેબલની ભરતી માટે તૈયારી કરતી દીકરીઓને તાલીમ આપવામાં આવે છે જો કે, પ્રથમ વખત દાતાઓના સહયોગથી રાજકોટની સ્પર્ધાત્મક પરીક્ષાની એકેડમી દ્વારા ખૂબ જ રાહત દરે અને ટૂંકા સમયમાં કોચિંગ ક્લાસનું આયોજન કરાયું છે. આ ક્લાસમાં કોઈપણ જ્ઞાતિની બહેનો જોડાઈ શકે છે. અને તેના માટે દીકરીઓને રજીસ્ટ્રેશન કરાવવું ફરજિયાત છે. અને આ કોચિંગ ક્લાસમાં આર્થિક નબળા પરિવારની દીકરીઓને વિશેષ લાભ આપવામાં આવશે આ સેવાકાર્યમાં જે કોઈ દાતાઓ આર્થિક સહયોગ આપવા ઈચ્છતા હોય તે આપી શકે છે અને તેના દાનની રકમનો સંપૂર્ણ ઉપયોગ દીકરીઓની તાલીમ અને કોચિંગ ક્લાસ માટે જ વાપરવામાં આવશે. આ કોચિંગ ક્લાસ શનાળા રોડે આવેલ ઉમિયા સર્કલ નજીક વૈભવ નગર પાસે આવેલ ગીતાંજલિ સ્કૂલ ખાતે યોજાશે અને વધુ માહિતી માટે અને રજીસ્ટ્રેશન માટે સહદેવસિંહ પી. ઝાલાના મોબાઈલ નંબર 8875711843 ઉપર સંપર્ક કરવા માટે જણાવ્યુ છે.