માળીયા (મી)ના ચિખલી ગામ પાસે રેડ: 2800 લિટર આથો, 200 લિટર દેશી દારૂ અને બોલેરો સહિત 4.10 લાખનો મુદમાલ કબ્જે

માળીયા (મી)ના ચીખલી ગામની સીમમાં સ્થાનિક પોલીસ દ્વારા દારૂની રેડ કરવામાં આવી હતી ત્યારે ત્યાં સ્થળ ઉપરથી દારૂની ભઠ્ઠી ચાલુ હોવાનું સામે આવ્યું હતું જેથી પોલીસે 200 લીટર દેશી દારૂ તથા દેશી દારૂ બનાવવા માટે ઉપયોગમાં લેવામાં આવતો 2800 લિટર આથો તથા બોલેરો  ગાડી એમ કુલ મળીને ₹4,10,000 ના મુદ્દામાલને કબજે કર્યો છે અને પોલીસે દારૂની રેડ કરી હતી ત્યારે આરોપી હાજર ન હોય હાલમાં પોલીસે ગુનો નોંધીને આરોપીને પકડવા માટે તજવીજ શરૂ કરી છે

માળીયા મીયાણા તાલુકા પોલીસની ટીમ પેટ્રોલિંગમાં હતી ત્યારે માળિયા તાલુકાના ચીખલી ગામના સીમમાં આવેલ કરાડિયા વિસ્તાર તરીકે ઓળખાતા વિસ્તારમાં દેશી દારૂની ભઠ્ઠી ચાલુ હોવાની હકીકત મળી હતી જેના આધારે સ્થાનિક પોલીસ દ્વારા ત્યાં દારૂની રેડ કરવામાં આવી હતી ત્યારે સ્થળ ઉપરથી 200 લીટર દેશી દારૂ તથા દેશી દારૂ બનાવવા માટે ઉપયોગમાં લેવામાં આવતો 2800 લિટર આથો તથા બોલેરો ગાડી નંબર જીજે 11 વીવી 5695 સ્થળ ઉપરથી મળી આવતા પોલીસે દારૂ તથા દારૂ બનાવવા માટેનો આથો અને વાહન આમ કુલ મળીને 4.10 લાખનો મુદામાલ કબજે કર્યો છે જોકે પોલીસ દ્વારા દારૂની રેડ કરવામાં આવી હતી ત્યારે આરોપી સ્થળ ઉપર હાજર ન હોવાથી હાલમાં માળીયા તાલુકા પોલીસ સ્ટેશન ખાતે કાસમભાઇ અબ્દુલભાઈ સામતાણી રહે. ચીખલી તાલુકો માળીયા મીયાણા વાળાની સામે ગુનો નોંધીને પોલીસ આરોપીને પકડવા માટે તજવીજ શરૂ કરેલ છે