મોરબીમાં આવેલ કેપિટલ માર્કેટમાં શ્રીજી રેસ્ટોરન્ટ ખાતે બાળ શ્રમિકોને કામે રાખનારા સંચાલક સામે ગુનો નોંધાયો

મોરબીમાં રવાપર ચોકડી પાસે આવેલ કેપિટલ માર્કેટમાં શ્રીજી રેસ્ટોરન્ટમાં બાળ શ્રમિકોને કામે રાખીને તેઓની પાસેથી કામ લેવામાં આવતું હતું જે બાબતે હાલમાં જિલ્લાના શ્રમ અધિકારી દ્વારા રેસ્ટોરન્ટના સંચાલક સામે એ ડિવિઝન પોલીસ સ્ટેશન ખાતે ફરિયાદ નોંધવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

મોરબીમાં આવેલ મદદનીશ શ્રમ આયુક્તની કચેરીમાં ફરજ બજાવતા શ્રમ અધિકારી એમ.પી.જોશી દ્વારા એ ડિવિઝન પોલીસ સ્ટેશન ખાતે અશ્વિનભાઈ શંભુભાઈ ચોથાણી (39) રહે. શ્રીકુંજ સોસાયટી જીઆઇડીસીની બાજુમાં સનાળા રોડ મોરબી વાળા સામે ફરિયાદ નોંધવામાં આવી છે જેમાં તેને જણાવ્યુ છે કે, મોરબીના રવાપર ગામ પાસે આવેલ કેપિટલ માર્કેટમાં દુકાન નંબર 21-22 માં શ્રીજી રેસ્ટોરન્ટ આવેલ છે અને ત્યાં 14 વર્ષથી ઓછી વય ધરાવતા વાળ શ્રમયોગીઓ પાસે કામ લેવામાં આવતું હોય બાળ અને તરુણ કામદાર પ્રતિબંધ અને નિયમનના કાયદાની જુદી જુદી કલમો હેઠળ હાલમાં અધિકારીએ નોંધાવેલ ફરિયાદ આધારે પોલીસે ગુનો નોંધીને આરોપીને પકડીને રાબેતા મુજબની કાર્યવાહી હાથ ધરી છે