મોરબીના નવા સાદુળકા ગામ પાસે કારખાનાની લેબર કોલોનીના પહેલા માળેથી ફોન ઉપર વાત કરતાં સમયે નીચે પડતાં યુવાનનું મોત

મોરબી તાલુકાના નવા સાદુળકા ગામ પાસે કારખાનાના લેબર કોલોનીના પહેલા માળ ઉપર ઊભા રાઇન યુવાન ફોન ઉપર વાત કરતા હતો તે સમયે અકસ્માતે યુવાન નીચે પટકાયો હતો જેથી કરીને માથામાં તથા શરીરને ઇજા થતાં તે યુવાનનું મોત નીપજયું હતું આ બનવાની સ્થાનિક પોલીસે નોંધ કરી રાબેતા મુજબની કાર્યવાહી હાથ ધરી છે.

મોરબી તાલુકાના નવા સાદુળકા ગામની સીમમાં આવેલ નેલ્સન લેમીનેટ કંપનીના લેબર ક્વાર્ટરમાં રહેતો શિવમ ધર્મેન્દ્રભાઈ ગુપ્તા (26) નામનો યુવાન ગઈકાલે રાત્રિના સવા અગિયારેક વાગ્યાના અરસામાં લેબર કવાર્ટરના પહેલા માળ ઉપર ફોન ઉપર વાત કરી રહ્યો હતો દરમિયાન કોઈ કારણોસર તે અકસ્માતે ઉપરથી નીચે પટકાતા યુવાનને માથાના ભાગે તથા શરીરે ગંભીર ઇજા થઈ હતી જેથી તે યુવાનનું મોત નીપજયું હતું ત્યારબાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.

જુગારની રેડ

વાંકાનેરના જામસર ગામના પાદરમાં જાહેરમાં જુગાર રમતા હોવાની હકીકત આધારે પોલીસે ત્યાં રેડ કરી હતી ત્યારે સ્થળ ઉપરથી ભરતભાઈ વીરજીભાઈ દેલવાડીયા (29) અને સવજીભાઈ સંઘાભાઈ દેલવાડીયા (23) રહે. બંને જામસર વાળા જુગાર રમતા મળી આવ્યા હોય પોલીસે ₹700 ની રોકડ સાથે તેની ધરપકડ કરી આગળની કાર્યવાહી હાથ ધરી છે.

વરલી જુગાર

મોરબીમાં જુના બસ સ્ટેશન પાસે પેટ્રોલ પંપ નજીક વરલી જુગારની રેડ કરવામાં આવી હતી ત્યારે તે સ્થળ ઉપરથી બળવંતસિંહ બચુભાઈ બારડ (32) રહે. જુના ઢુવા જેટ સીરામીક પાછળ તાલુકો વાંકાનેર વાળો વરલી જુગારના આંકડા લેતા મળી આવ્યો હતો જેથી કરીને પોલીસે ₹700 ની કિંમતના મુદ્દામાલ સાથે આરોપીની ધરપકડ કરી તેની સામે ગુનો નોંધીને આગળની કાર્યવાહી હાથ ધરી છે.  #morbi #મોરબી