મોરબીમાં યુવા શક્તિ ફાઉન્ડેશનના સભ્ય દ્વારા જન્મદિવસની પ્રેરણાદાયી ઉજવણી
Morbi Today
મોરબીમાં શિવરાત્રીના દિવસે જાહેરનામાનો ભંગ કરીને કતલખાના ચાલુ રાખનારા-નોનવેજનું વેચાણ કરનારાઓ સામે પગલાં લેવા વિહિપ- બજરંગ દળની માંગ
SHARE
JOIN OUR GROUP
મોરબીમાં શિવરાત્રીના દિવસે જાહેરનામાનો ભંગ કરીને કતલખાના ચાલુ રાખનારા-નોનવેજનું વેચાણ કરનારાઓ સામે પગલાં લેવા વિહિપ- બજરંગ દળની માંગ
મોરબી શહેરી વિસ્તારમાં મહાશિવરાત્રીના દિવસે તમામ પ્રકારના કતલખાના બંધ રાખવા માટે મહાનગરપાલિકા દ્વારા જાહેરનામું પ્રસિદ્ધ કરવામાં આવ્યું હતું અને શહેરમાં માસ, મટન, ચિકન અને મચ્છીના વેચાણ ઉપર પ્રતિબંધ મૂકવામાં આવ્યો હતો જો કે, મહાનગરપાલિકાનું જાહેરનામું માત્ર કાગળ ઉપર જ રહ્યું હોય તેવો ઘાટ મોરબીના જુદાજુદા વિસ્તારમાં જોવા મળ્યો હતો જેથી કરીને વિહિપ અને બજરંગદળના આગેવાન દ્વારા નોનવેજની દુકાનો શિવરાત્રિના દિવસે ખુલ્લી હોય તેવા ફોટો સાથે કમિશનરને રજૂઆત કરીને પગલાં લેવાની માંગ કરવામાં આવી છે.
મોરબી મહાનગરપાલિકા કમિશનર દ્વારા ગત 13 તારીખે એક જાહેરનામું બહાર પાડવામાં આવ્યું હતું અને તા 15 ના રોજ મહાશિવરાત્રીના દિવસે શહેરી વિસ્તારમાં તમામ પ્રકારના કતલખાનાઓ બંધ રાખવા અને માંસ, મટન, ચીકન તથા મચ્છીના વેચાણ કરવા ઉપર પ્રતિબંધ મૂકવામાં આવેલ હતો જો કે, કમિશનરના જાહેરનામાની ઐસી તૈસી કરીને શિવરાત્રિના દિવસે મોરબીમાં જૂના બસ સ્ટેશન પાસે આવેલ મચ્છી માર્કેટ અને શક્તિ ચોક પાસે આવેલ ખાટકીવાસમાં નોનવેજનું વેચાણ દુકાનોમાં કરવામાં આવી રહ્યું હતું જેથી તેના ફોટો સાથે આજે વિશ્વ હિન્દુ પરિષદ અને બજરંગ દળ દ્વારા કમિશનરને લેખિતમાં રજૂઆત કરવામાં આવી છે જેમાં જણાવ્યુ છે કે, મોરબીના વિવિધ વિસ્તારોમાં કતલખાના ચાલુ હતા અને નોનવેજનું વેચાણ પણ શિવરાત્રિના દિવસે કરવામાં આવતું હતું જેથી હિન્દુ સમાજની લાગણીને ઠેસ પહોંચાડીને જાહેરનામાનો કરીને નોનવેજનું વેચાણ કરનારાઓની સામે કાયદેસરની કાર્યવાહી કરવામાં આવે તેવી માંગ કરવામાં આવી છે.
