માળીયા (મી)ના વાધરવા પાસે નવા બનતા કારખાના નજીક ડમ્પરના ટાયર ફરી વળતાં નિંદ્રાધીન યુવાનનું ઘટના સ્થળે જ મોત

માળીયા (મી)ના તાલુકાના વાધરવા ગામની સીમમાં આવેલા કારખાનામાં બે યુવાનો સૂતા હતા ત્યારે ડમ્પર ચાલકે તેનું વાહન પાછળ જોયા વગર રિવર્સમાં લીધું હતું અને નિંદ્રાધીન બંને યુવાનને હડફેટે લીધા હતા ત્યારે એક યુવાનના પેટ ઉપર ડમ્પર ફરી વળ્યું હતું જેથી એક યુવાનનું મોત નીપજયું હતું અને એક યુવાનને ઇજા થતાં તેને સારવાર માટે ખસેડવામાં આવેલ હતો અને આ બનાવ સંદર્ભે મૃતક યુવાનના ભાઈએ નોંધાવેલ ફરિયાદ આધારે પોલીસે ડમ્પર ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

જાણવા મળતી માહિતી મુજબ મૂળ પીપલ ખુટા અનુપુરા ફળિયુના રહેવાસી અને હાલમાં માળિયા (મી)ના વાધરવા ગામની સીમમાં સિમ્પોલો ઇન્ટરનેશનલ પ્રા. લિ. નામના નવા બનતા કારખાનાની સાઇડમાં કાચા ઝૂપડામાં રહેતા દીવાન બેરનાર ગણાવા (19) નામના યુવાને ડમ્પર નંબર જીજે 36 વી 9142 ના ચાલક સામે ફરિયાદ નોંધાવેલ છે જેમાં જણાવ્યું છે કે વાધરવા ગામની સીમમાં સિમ્પોલો ઇન્ટરનેશનલ પ્રા. લિ. નામના નવા બનતા કારખાનાની સાઈડમાં ફરિયાદીનો ભાઈ સંજય બેરનાર ગણાવા અને ભત્રીજો દિપક બંને સૂતા હતા ત્યારે આ બંને નિંદ્રાધીન યુવાનો ઉપર આરોપી ડમ્પર ચાલકે બેફિકરાઇથી પોતાનું વાહન રિવર્સમાં લઈને ડમ્પર ચડાવી દીધું હતું ત્યારે ફરિયાદીના ભાઈ સંજય બેરનાર ગણાવા (22) તથા ભત્રીજા દીપક તોલિયાભાઈ ભુરીયાને ગંભીર ઇજા થયેલ હતી અને ખાસ કરીને ફરિયાદીના ભાઈ સંજયભાઈના પેટ ઉપરથી ડમ્પરના તોતિંગ ટાયર ફરી જવાના કારણે તેનું મોત નીપજયું હતું અને ભત્રીજા દીપકભાઈને જમણા હાથમાં ઇજા થયેલ હોવાથી તેને સારવાર માટે હોસ્પિટલમાં લઈને આવ્યા હતા અને આ બનાવ સંદર્ભે મૃતક યુવાનના ભાઈએ નોંધાવેલ ફરિયાદ આધારે પોલીસે ડમ્પર ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે