મોરબીમાં મકાનની સબસિડી ચુકવવા ગ્રાહક અદાલતનો આદેશ
SHARE
JOIN OUR GROUP
મોરબીમાં મકાનની સબસિડી ચુકવવા ગ્રાહક અદાલતનો આદેશ
મોરબીના વતની હિમાંશુભાઈ ભગવાનજીભાઈ મકવાણાએ જેતપર રોડ પર આવેલી માનસધામ સોસાયટીમાં મકાન લીધું હતું અને મકાનની લોન એક્સીસ બેંક લોન સેન્ટરમાંથી લીધી હોય બેંકે મળવાપાત્ર સબસિડી આપવાની ના પડી હતી જેથી કરીને મકાન માલીક દ્વારા ગ્રાહક સુરક્ષા મંડળના પ્રમુખ લાલજીભાઈ મહેતા દ્વારા ગ્રાહક અદાલતમાં કેસ દાખલ કર્યો હતો. જેમાં અદાલતે હિમાંશુભાઈને સબસિડીના રૂપિયા ચુકવી દેવા માટેનો આદેશ કર્યો છે.
આ કેસની લાલજીભાઇ મહેતાએ આપેલ માહિતી મુજબ ફરિયાદી હિમાંશુભાઈ મકવાણાએ મકાન પર 7.35 લાખની લોન એક્સીસ બેંક લોન સેન્ટરમાંથી લીધી હતી. અને સરકારના નિયમ મુજબ 2.67 લાખ રૂપિયા સબસિડી આ મકાન પર મળશે તેવું બેંકના કર્મચારી ચિરાગભાઈ ભોજાણીએ કહ્યું હતું. જેથી હિમાંશુભાઈએ તમામ પેપર સબમિટ કર્યા હતા. પરંતુ એક વર્ષ જેટલો સમય વીતી જવા છતાં સબસિડી આપવામાં આવેલ નથી જેથી કરીને ફરિયાદીએ હોમ લોન વિભાગના વડા નારણદાસનો સંપર્ક કર્યો હતો અને કહ્યું હતું કે સબસિડી માટે લોગઈન કરવાની પ્રક્રિયા બેંકે કરવાની હોય છે અને ગ્રાહકને સબસિડી માટે મદદ કરવાની હોય છે. પરંતુ બેંકની સેવામાં ખામી હોય સબસિડી મળેલ નથી જેથી કરીને હિમાંશુભાઈએ મોરબી ગ્રાહક સુરક્ષા મંડળનો સંપર્ક કર્યો હતો અને ત્યારે બાદ સંસ્થાના પ્રમુખ લાલજીભાઈ મહેતા મારફતે ગ્રાહક તકરાર નિવારણ કમિશનમાં કેસ દાખલ કર્યો હતો. જે કેસમાં અદાલતે એક્સીસ બેંકને રૂપિયા 2.67 લાખ રૂપિયા અને 10 હજાર માનસિક ત્રાસના આમ કુલ મળીને 2.77 લાખ રૂપિયા 9 ટકાના વ્યાજ સાથે ચુકવવા આદેશ કર્યો છે.
