ટંકારાના નેકનામમાં ધારાસભ્યની હાજરીમાં સેવાસેતુ કાર્યક્રમ યોજાયો
SHARE
JOIN OUR GROUP
ટંકારાના નેકનામમાં ધારાસભ્યની હાજરીમાં સેવાસેતુ કાર્યક્રમ યોજાયો
ટંકારા-પડધરી ધારાસભ્ય દુર્લભજીભાઈ દેથરીયાની ઉપસ્થિતિમાં નેકનામ ગામે સેવાસેતુ કાર્યક્રમ યોજાયો હતો.આ કાર્યક્રમ અન્વયે ધારાસભ્ય દૂર્લભજીભાઈ દેથરીયા સહિતના મહાનુભાવોની ઉપસ્થિતિમાં નેકનામ કન્યા પ્રાથમિક શાળા ખાતે ક્લસ્ટર હેઠળના ગામમાંથી આવેલા લોકોને વિવિધ ૧૪ જેટલી વ્યકિતલક્ષી સરકારી સેવાઓનો સ્થળ પર લાભ આપવામાં આવ્યો હતો. આ કાર્યક્રમમાં ડીવર્મીંગ, રસીકરણ, રાશન કાર્ડ ઈ કેવાયસી, મેડીસીન સારવાર, આધારકાર્ડમાં સુધારા, ૭-૧૨ અને ૮-અ ના પ્રમાણપત્ર, વિધવા સહાય, જાતિ પ્રમાણપત્ર સહિત વિવિધ વ્યક્તિલક્ષી સેવાઓ માટે ૨૫૫૭ જેટલી અરજીઓ અરજદારો દ્વારા કરવામાં આવી હતી. આ તમામ અરજીઓનો સ્થળ પર જ હકારાત્મક નિકાલ કરવામાં આવ્યો હતો. આ પ્રસંગે સ્થાનિક પદાધિકારીઓ અધિકારીઓ તથા નેકનામ ગામ અને સેવાસેતુ અન્વયે ક્લસ્ટર હેઠળના ગામના ગ્રામજનો બહોળી સંખ્યામાં ઉપસ્થિત રહ્યા હતા.
