ટંકારાના હીરાપર પાસે કારખાનાના કવાર્ટરમાં યુવાને અંતિમ પગલું ભર્યું

ટંકારા તાલુકાના હીરાપર ગામ પાસે આવેલ કારખાનાના લેબર કવાર્ટરમાં રહેતા યુવાને ક્વાર્ટરમાં ગળાફાંસો ખાઈને આપઘાત કરી લીધો હતો જેથી તેના મૃતદેહને ટંકારાની સરકારી હોસ્પિટલ ખાતે લઈને આવ્યા હતા અને ત્યારબાદ આ બનાવની ટંકારા તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.

બનાવી જાણવા મળતી માહિતી પ્રમાણે ટંકારા તાલુકાના હીરાપર ગામ પાસે આવેલ સર્વસ્તુ પીન્ટેક્ષ નામના કારખાનાના લેબર કવાર્ટરમાં રહેતો અને ત્યાં મજૂરી કામ કરતો તારાચંદ્ર વજરામ ગામેતી જાતે આદિવાસી (18) નામનો યુવાન લેબર કવર્ટારમાં હતો ત્યારે ત્યાં તેને ગળાફાંસો ખાઈ લીધો હતો જેથી કરીને તે યુવાનનું મોત નીપજયું હતું ત્યારબાદ તેના મૃતદેહને ટંકારાની સરકારી હોસ્પિટલ ખાતે લઈને આવ્યા હતા અને આ બનાવની ટંકારા તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે આ બનાવની આગળની તપાસ આઈ.ટી. જામ ચલાવી રહ્યા છે અને યુવાને કયા કારણોસર અંતિમ પગલું ભર્યું હતું તે દિશામાં પોલીસે તપાસ હાથ ધરી છે.