મોરબીના ઘૂટું-વાંકાનેરના તીથવા ગામે જુગારની બે રેડ: 10 જુગારી 1.26 લાખની રોકડ સાથે પકડાયા

મોરબી તાલુકાના ઘુટુ ગામ પાસે અને વાંકાનેર તાલુકાના તીથવા ગામ પાસે જુગારની જુદી જુદી બે રેડ કરવામાં આવી હતી જેમાં કુલ મળીને 10 આરોપીઓને પોલીસ દ્વારા પકડવામાં આવ્યા હતા અને તેની પાસેથી કુલ મળીને 1,26,330 ની રોકડ કબજે કરવામાં આવેલ છે અને સ્થાનિક પોલીસ સ્ટેશનમાં જુગારના બંને ગુના નોંધીને પોલીસે આગળની રાબેતા મુજબની કાર્યવાહી હાથ ધરી છે

જાણવા મળતી માહિતી મુજબ મોરબીના ઉચી માંડલ ગામ તરફ જવાના રસ્તા ઉપર પાર્થ હોટલની બાજુમાં ખુલ્લામાં જુગાર રમતા હોવાની એલસીબીની ટીમને હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા દયારામભાઈ શામજીભાઈ સોરિયા (63) રહે ઘુટુ, યુનુસભાઈ હબીબભાઈ રાઠોડ (46) રહે. વાવડી રોડ મોરબી, રાઘવજીભાઈ ભુરાભાઈ પરેચા (63) રહે. ઘુટુ, દિલીપભાઈ રૂગનાથભાઈ સરવાડિયા (50) રહે. પ્રભુ કૃપા બી- 203 મોરબી અને રૂપેશભાઈ લખમણભાઇ કલોલા (48) રહે. ઘુનડા રોડ ફ્લોરાની બાજુમાં શિવમ એપાર્ટમેન્ટ બ્લોક નંબર 602 મોરબી વાળા જુગાર રમતા મળી આવ્યા હતા જેથી કરીને પોલીસે તેની પાસેથી 72,480 ની રોકડ કબજે કરી હતી અને મોરબી તાલુકા પોલીસ સ્ટેશન ખાતે જુગારધારા હેઠળ ગુનો નોંધી આગળથી કાર્યવાહી હાથ ધરી છે

તો વાંકાનેર તાલુકાના તીથવા ગામની કાંકરિયા નામે ઓળખાતી સીમમાં સરફરાજભાઈ શેરસિયાની વાડીમાં આવેલ ઓરડીએ જુગાર રમતા હોવાની સ્થાનિક પોલીસને હકીકત મળી હતી તેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા સરફરાજભાઈ ઇબ્રાહીમભાઈ શેરસિયા રહે. તીથવા, દિનેશભાઇ ભવાનભાઇ કાનાણી (40) રહે. કંડલા બાયપાસ રોડ આનંદ નગર મોરબી, મહંમદરફીક અહમદભાઈ વકાલીયા (45) રહે. તીથવા, કાંતિલાલ બેચરભાઈ ભૂત (51) રહે. સજનપર અને દીપકભાઈ કરમશીભાઈ દેત્રોજા (52) રહે. ન્યુ ચંદ્રેશ પંચાસર રોડ મોરબી વાળા જુગાર રમતા મળી આવ્યા હતા જેથી પોલીસે તેની પાસેથી 53,850 ની રોકડ કબજે કરી હતી અને વાંકાનેર તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી હતી.