મોરબીમાં યુવાનની હત્યાના ગુનામાં પકડાયેલ બે આરોપી જેલ હવાલે

મોરબીના ખાટકીવાસ વિસ્તારમાં યુવાનને પરણિત પ્રેમિકાના પતિએ તીક્ષણ હથિયારના ઘા ઝીકિને હત્યા કરી હતી જેથી મૃતક યુવાનની પત્નીએ નોંધાવેલ ફરિયાદ આધારે પોલીસે હત્યના ગુનામાં બે આરોપીની ધરપકડ કરી હતી અને તે આરોપીઓના રિમાન્ડ પૂરા થતાં જેલ હવાલે કરેલ છે.

મોરબીના ખાટકીવાસ પાસે આવેલ તલાવડી વાસમાં તોફિક ઉર્ફે ભાયલો ઈબ્રાહીમભાઇ ચાનિયા (30) નામના યુવાનની હત્યા કરવામાં આવી હતી જેની મૃતક યુવાનની પત્ની સલમાબેને તૌફિકભાઈ ચાનીયાએ મોરબી એ ડિવિઝન પોલીસ સ્ટેશન ખાતે નોંધાવી હતી જેના આધારે પોલીસે હત્યના ગુનામાં આરોપી ધર્મેશ ઉર્ફે ધમો જગદીશભાઈ મેર જાતે કોળી (૨૬) અને નરેન્દ્ર ઉર્ફે ભૂરો ઉર્ફે મોદી જગદીશભાઈ મેર જાતે કોળી (૨૩) રહે વીસીપરા મોરબી વાળાની ધરપકડ કરી હતી અને આ ગુનામાં આરોપીઓના રિમાન્ડ લીધા હતા અને ગુનામાં વપરાયેલ વાહન અને હથિયાર કબ્જે કર્યા હતા અને રિમાન્ડ પૂરા થતાં બંને આરોપીને કોર્ટમાં રજૂ કરીને જેલ હવાલે કરેલ છે.