માળીયા (મી)ના મોટાભેલા ગામનો બનાવ: કામ બાબતે ઠપકો આપતા પિતાની દીકરાએ કરી નાખી હત્યા
SHARE
JOIN OUR GROUP
માળીયા (મી)ના મોટાભેલા ગામનો બનાવ: કામ બાબતે ઠપકો આપતા પિતાની દીકરાએ કરી નાખી હત્યા
માળીયા મીયાણાના મોટાભેલા ગામે રહેતા વૃદ્ધે તેના દીકરાને કામ ધંધા બાબતે ઠપકો આપ્યો હતો જે તેને સારું નહીં લાગતા યુવાને તેના પિતા ઉપર કુહાડી વડે હુમલો કર્યો હતો અને બંને પગના કાંડા પાસે કુહાડીના જીવલેણ ઘા મારીને યુવાને તેના પિતાની હત્યા કરી હતી જે બનાવમાં મૃતક વૃદ્ધના બીજા દીકરાની ફરિયાદ લઈને પોલીસે હત્યા કરનારા દીકરા સામે ગુનો નોંધી આરોપીને પકડીને આગળની કાર્યવાહી કરેલ છે.
માળીયા (મી)ના મોટાભેલા ગામે રહેતા ભરતભાઈ ઉર્ફે ભટ્ટી જીવણભાઈ સોમાણી (28) હાલમાં માળિયા તાલુકા પોલીસ સ્ટેશન ખાતે તેના જ ભાઈ પ્રવીણ ઉર્ફે પવો જીવણભાઈ સોમાણી રહે. મોટાભેલા વાળા સામે ફરિયાદ નોંધાવેલ છે જેમાં જણાવ્યુ છેકે, તેઓના પિતા જીવણભાઈ સોમાણી (85)એ આરોપી પ્રવીણ સોમાણીને કામ ધંધા બાબતે ઠપકો આપ્યો હતો જે બાબતને લઈને પ્રવિણે ફરિયાદીના પિતા સાથે બોલાચાલી કરી હતી અને ત્યારબાદ કુહાડી વડે હુમલો કરીને ફરિયાદીના પિતા જીવણભાઈને પગના બંને કાંડા ઉપર કુહાડીના જીવલેણ ઘા મારીને ઇજા કરી હતી જેથી તેઓનું મોત નીપજયું હતું અને હત્યાનો બનાવ બન્યો હતો આ બનાવમાં મૃતક વૃદ્ધના દીકરાની ફરિયાદ લઈને પોલીસે હત્યા કરનારા દીકરા સામે ગુનો નોંધીને આરોપી પ્રવીણ ઉર્ફે પવો જીવણભાઈ સોમાણી રહે. મોટાભેલા વાળાની ધરપકડ કરી રાબેતા મુજબની કાર્યવાહી કરેલ છે.
