મોરબીમાં ઝૂલેલાલ જન્મોત્સવની ભવ્ય શોભાયાત્રા સાથે ધામધુમથી ઉજવણી કરાઇ
Morbi Today
માળિયા (મીં)ના હરીપર નજીક ડમ્પર ચાલકે બાઇકને ઠોકર મારતા બાળકીનું મોત: એક જ પરિવારના ચારને ઇજા
SHARE
JOIN OUR GROUP
માળિયા (મીં)ના હરીપર નજીક ડમ્પર ચાલકે બાઇકને ઠોકર મારતા બાળકીનું મોત: એક જ પરિવારના ચારને ઇજા
માળીયા મીંયાણા વિસ્તારમાં આવેલ હરીપર ગામના રેલ્વે બ્રિજ નજીક વાહન અકસ્માતનો બનાવ બન્યો હતો. ત્યારે ડમ્પર ચાલકે બાઇકને ઠોકર મારી હતી જેથી કરીને એક જ બાળકો સહિતના પરિવારના પાંચ વ્યક્તિઓને ઇજાઓ થયેલ હતી અને તે પૈકીની એક બાળકીનું મોત નીપજયું છે જો કે ચાર વ્યક્તિઓને ઇજા થયેલ હતી જેથી તેઓને સારવાર માટે મોરબી લાવવામાં આવ્યા હતા. અને આ બનાવમાં મૃતક બાળકીના પિતાએ હાલમાં માળીયા તાલુકા પોલીસ સ્ટેશને ડમ્પરના ચાલકની સામે ફરિયાદ નોંધાવેલ છે.
બનાવની જાણવા મળતી માહિતી મુજબ માળીયા મીંયાણા ખાતે આવેલ કાજરડાના ભોળ વિસ્તારમાં રહેતા નિઝામભાઈ સાઉદીનભાઇ મોવર (૩૨) તેમના પત્ની નસીમબેન નિઝામભાઈ મોવર (૩૦), પુત્ર અઝરૂદ્દીન નિઝામભાઈ મોવર (૧૧), પુત્રી નજમાબાનુ નિઝામભાઈ મોવર (૭) અને નાજીયાબેન બાઇકમાં માળીયા મીંયાણા ખાતેથી નિઝામભાઈ મોવરનું સાસરિયું સુરજબારી નજીક હોય ઈદ કરવા માટે જઈ રહ્યા હતા ત્યારે તેઓના બાઇકને ડમ્પરના ચાલકે ઠોકર મારી હતી જેથી કરીને હરીપર ગામ નજીક આવેલ રેલ્વેના બ્રીજ પાસે અકસ્માત થયો હતો જેથી નજમાબાનું નિઝામભાઈ મોવર નામની સાત વર્ષની બાળકીનું ઘટના સ્થળે મોત નીપજ્યું હતું. જેથી ડેડબોડીને પીએમ માટે મોરબી લઈને આવ્યા હતા અને મૃતકની માતા નસીમબેન, પિતા નિઝામભાઈ, ભાઈ અઝરૂદ્દીન અને નાજીયાબેન ઇજાઓ થતા તેઓને સારવાર માટે લઈને આવ્યા હતા અને હાલમાં આ બનાવ સંદર્ભે નિઝામભાઈ સાઉદીનભાઇ મોવર દ્વારા ડમ્પર જીજે ૧૨ બીવી ૦૧૪૨ ના ચાલકની સામે માળીયા તાલુકા પોલીસ સ્ટેશન ખાતે ફરિયાદ નોંધાવેલ છે જેના આધારે પોલીસે ગુનો નોંધીને આરોપીને પકડવા માટે ચક્રોગતિમાન કરેલ છે
