મોરબીના રવીપાર્કમાં રહેતા વૃદ્ધાએ વધુ પડતી માનસિક રોગની દવા પી લેતા સારવારમાં

મોરબીના વાવડી રોડ ઉપર આવેલ રવિ પાર્કમાં રહેતા વૃદ્ધાએ વધુ પડતી માનસિક રોગની દવા પી લીધી હતી જેથી કરીને તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને આ બનાવની મોરબી એ ડિવિઝન પોલીસને જાણ કરતાં પોલીસે આગળની કાર્યવાહી કરેલ છે

બનાવની જાણવા મળતી માહિતી મુજબ મોરબીના વાવડી રોડ ઉપર આવેલ રવિ પાર્કમાં રહેતા માણેકિયા રૂબીનાબેન અયુબભાઈ (૫૮) નામના મહિલાએ માનસિક તકલીફના લીધે પોતાની જાતે વધુ પડતી માનસિક રોગની દવા પી લીધી હતી જેથી કરીને બેભાન હાલતમાં સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી કરેલ છે અને વધુ તપાસ વિપુલભાઈ પટેલ ચલાવી રહ્યા છે

સાપ કરડી ગયો

મોરબીના ઘૂટું રોડ ઉપર આવેલ રમેશ પેપર મીલના લેબર ક્વાર્ટરમાં રહેતા પ્રકાશ સુરેશભાઈ બાવરા (૨૧) નામના યુવાનને તે કારખાનામાં હતો ત્યારે ઝેરી સાપ કરડી ગયો હતો જેથી તેને ઝેરી અસર થતા યુવાનને સારવાર માટે મોરબીની સિવિલ હોસ્પિટલમાં સારવાર માટે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી કરેલ છે અને વધુ તપાસ જે.પી. પટેલ ચલાવી રહ્યા છે

મહિલા સારવારમા

મોરબી નજીકના સનાળા ગામે રહેતા મોહનબા વજુભા જાડેજા (૭૧) નામના મહિલા શક્તિ માતાજીના મંદિર પાસે બાઈકમાં બેસીને જઈ રહ્યા હતા ત્યારે કોઈ કારણોસર અકસ્મતે બાઇક સ્લીપ થતા તેઓ નીચે પડી ગયા હતા અને તેને ઇજા થઈ હતી જેથી તેઓને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી એ ડિવિઝન પોલીસને જાણ કરતા પોલીસે બનાવની નોંધ કરીને આગળની કાર્યવાહી કરેલ છે