માળીયા (મી)ના કાજરડા રોડેથી દેશી બનાવટના તમંચા સાથે એક શખ્સની ધરપકડ

માળીયા મીયાણા તાલુકાના કાજરડા રોડ ઉપર આવેલા રલી વાંઢ વિસ્તારમાંથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી લાયસન્સ કે હથિયાર પરવાના વગર દેશી બનાવટનો તમંચો મળી આવ્યો હતો જેથી કરીને પોલીસે ૫૦૦૦ રૂપિયાની કિંમતનું હથિયાર કબજે કરી તેની સામે માળિયા મીયાણા તાલુકા પોલીસ સ્ટેશન ખાતે આર્મ્સ એક્ટ મુજબ ગુનો નોંધી આગળની કાર્યવાહી હાથ ધરી છે

જાણવા મળતી માહિતી મુજબ માળીયા મીયાણા તાલુકા પોલીસની ટીમ પેટ્રોલિંગમાં હતી ત્યારે સ્થાનિક પોલીસને મળેલી હકીકત આધારે માળિયા મીયાણાના કાજરડા રોડ ઉપર રલી વાંઢ પાસેથી પસાર થયેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દેશી બનાવટનો જુનો કાટવાળો તમંચો મળી આવતા પોલીસે ૫૦૦૦ રૂપિયાની કિંમતનું હથિયાર તેની પાસેથી કબજે કર્યું હતું અને આરોપી સલીમ સુભાનભાઇ કટિયા જાતે મિયાણા (૩૦) રહે. માળીયા મીયાણા નેશનલ હાઈવે રોડ વિશાલા હોટલની પાછળ માળિયા વાળાની ધરપકડ કરી હતી અને તેની સામે માળિયા તાલુકા પોલીસ સ્ટેશન ખાતેની આર્મ્સ એક્ટની કલમ રપ(૧-બી), એ તથા જી.પી.એકટ કલમ ૧૩પ મુજબ ગુનો નોંધીને પોલીસ આગળની રાબેતા મુજબની કાર્યવાહી હાથ ધરી છે

એક બોટલ દારૂ

મોરબી તાલુકાના બેલા રંગપર ગામની સીમમાં આવેલ ગોકુળ કોમ્પ્લેક્સ પાસેથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દારૂની એક બોટલ મળી આવતા પોલીસે ૬૦૦ રૂપિયાની કિંમતની દારૂની બોટલ કબજે કરી હતી અને નિલેશભાઈ મનસુખભાઈ વાડોલીયા જાતે પ્રજાપતિ (૩૦) રહે. બેલા રંગપર શીવાભાઈ રબારીના મકાનમાં મૂળ રહે. જ્યોતિ પાર્ક અનિ હોટલની સામે ધ્રોલ વાળાની ધરપકડ કરી તેની સામે મોરબી તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરવામાં આવી છે