મોરબી શહેરમાંથી ઓગસ્ટ મહિના સુધીમાં ઢોર પકડ પાર્ટીએ 3527 ઢોર પકડ્યા

મોરબી મહાનગરપાલિકાના હદ વિસ્તાર રજડતા ઢોરને પકડવા માટેનું કામ એએનસીડી શાખા દ્વારા કરવામાં આવે છે અને ઓગસ્ટ મહિના સુધીમાં ઢોર પકડ પાર્ટી દ્વારા જાહેર માર્ગ ઉપરથી 3,527 પશુ પકડેલ છે.

મોરબી મહાનગરપાલિકાની ઢોર પકડ પાર્ટી દ્વારા ઓગસ્ટ 2026 સુધી જાહેર માર્ગ પર અડચણ રૂપ થતાં 3,527 રખડતા પશુઓને પકડવામાં આવ્યા છે. અને વિવિધ વિસ્તારમાંથી તથા જાહેર માર્ગો પર રખડતાં ઢોર પકડીને મોરબી જિલ્લાની આજુ-બાજુની ગૌશાળા, નંદીઘર તથા પાંજરાપોળમાં મૂકવામાં આવ્યા છે. આ ઉપરાંત મહાપાલિકાના નંદીઘરમા 600થી વધુ પશુઓને જુદી-જુદી ગૌશાળા તથા પાંજરાપોળ ખાતે મોકલવામાં આવેલ છે. ખાસ કરીને મોરબીમાં 306 પશુ માલિકોને લાયસન્સ, 33 લોકોને ઘાસ વેચાણ માટેની પરમિટ, 49 નાગરિકોના પેટડોગનું રજીસ્ટેશન અત્યાર સુધીમાં કરવામાં આવ્યું છે. આ ઉપરાંત કુલ 2,920 પશુઓનું RFID તથા ટેગિંગ કરવામાં આવ્યું છે.