મોરબીના રવાપર ગામેથી યુવાનનું અપહરણ કરવાના ગુનામાં ફરીયાદીના પતિ સહિત બે ની ધરપકડ
Morbi Today
મોરબીમાંથી સગીરાના અપહરણના બનાવમાં આરોપીની ધરપકડ
SHARE
JOIN OUR GROUP
મોરબીમાંથી સગીરાના અપહરણના બનાવમાં આરોપીની ધરપકડ
મોરબીના શનાળા રોડ ઉપર આવેલ વાડી વિસ્તારમાં રહેતા પરિવારની સગીર વયની દીકરીને લલચાવી ફોસલાવીને અપહરણ કરવામાં આવ્યું હતું તેની ફરિયાદ નોંધાઈ હતી દરમ્યાન સગીરા સાથે આરોપી મોરબી એ ડિવિઝન પોલીસ સ્ટેશને રજૂ થતાં પોલીસે આરોપીની ધરપકડ કરીને આગળની કાર્યવાહી કરેલ છે.
મોરબીના શનાળા રોડ ઉપર આવેલા વાડી વિસ્તારમાં રહેતા પરિવારની સગીરવયની દીકરીને બદકામના ઇરાદે તા.૧-૧૨ ના બપોરના ત્રણેક વાગ્યાના અરસામાં અપહરણ કરવામાં આવ્યું હતું જેથી ભોગ બનેલ સગીરાના પિતાએ મોરબી એ ડિવિઝન પોલીસ સ્ટેશન ખાતે શકદાર તરીકે અરવિંદ અવચર પરમાર જાતે સતવારા (સિધ્ધનાથ સ્ટુડિયો વાળા) રહે. મોર ભગતની વાડી ગોકળદાસ પ્રાગજી જીન પાછળ શનાળા મોરબી વાળા સામે ફરિયાદ નોંધાવતા મોરબી એ ડિવિઝન પોલીસ મથકના પીઆઇ હકુમતસિંહ જાડેજા દ્વારા આઈપીસી કલમ ૩૬૩, ૩૬૬ મુજબ ગુનો નોંધીને આરોપી અરવિંદ પરમારને પકડવાં માટે તજવીજ શરૂ કરવામાં આવી હતી દરમ્યાન ભોગ બનેલ સગીરા અને આરોપી બંને સામેથી મોરબી એ ડિવિઝન પોલીસ સ્ટેશને હાજર થતાં પોલીસે આરોપી અરવિંદ અવચર પરમાર જાતે સતવારા (૨૪) (સિધ્ધનાથ સ્ટુડિયો વાળા) રહે. મોર ભગતની વાડી ગોકળદાસ પ્રાગજી જીન પાછળ શનાળા મોરબી વાળાની ધરપકડ કરેલ છે.
ફીનાઇલ પી જતા સારવારમાં
મોરબીના સામાકાંઠે મહેન્દ્રનગર ગામે આવેલા ઇન્દિરાનગર વિસ્તારમાં રહેતા હસનભાઈ ઇમામભાઈ સૈયદ નામનો ૩૭ વર્ષનો યુવાન તેના ઘરે કોઈ અગમ્ય કારણોસર ફીનાઇલ પી ગયો હતો જેથી તેને સામાકાંઠે આવેલ શિવમ હોસ્પિટલમાં સારવાર માટે લઈ જવામાં આવ્યો હતો અને જે અંગે સીટી બી ડિવિઝન પોલીસ મથકમાં જાણ કરાતા બી ડિવિઝન પોલીસ મથકના જગદીશભાઈ ડાંગર દ્વારા આ બનાવની નોંધ કરીને કારણ બાબતે આગળની તપાસ કરવામાં આવી રહેલ છે.
ઝેરી જનાવર કરડી જતા સારવારમાં
મોરબીના લીલાપર ગામે રહેતા વિરજીભાઈ ચનાભાઈ આંત્રેસા નામનો ૪૦ વર્ષીય કોળી યુવાન અદેપર ગામની સીમમાં કચરો વીણવાનું કામ કરી રહ્યો હતો તે દરમિયાનમાં તેને કોઈ ઝેરી જનાવર કરડી ગયું હતું જેથી તેને મોરબીની સરકારી હોસ્પિટલમાં સારવાર માટે લાવવામાં આવ્યો હતો અને હાલ આ બાબતે તાલુકા પોલીસ દ્વારા નોંધ કરીને આગળની તપાસ ચલાવવામાં આવી રહી છે.
વાહન અકસ્માતમાં ઇજા
મોરબીના પંચાસર ગામ નજીક વાહન અકસ્માતનો બનાવ બન્યો હતો.જેમાં પીપળીયા ચોકડી પાસે રહેતા કરણ કેરૂભાઈ મંગલાઇ (ઉમર ૨૨) અને મોરબીના પંચાસર ગામે મયુર ડેરી પાસે રહેતા ગનાભાઈ મેરસીંગ ચનારે (ઉંમર ૨૨) ને ઇજાઓ થતા સરકારી હોસ્પિટલે સારવાર માટે લવાયા હતા જેથી બનાવની જાણ થતા હાલ તાલુકા પોલીસ મથકના સબળસિંહ સોલંકી દ્વારા આ બાબતે વધુ તપાસ ચલાવવામાં આવી રહી છે.
