મોરબીના લક્ષ્મીનગર ગામે ઓફિસ પાસે પાર્ક કરેલા બાઇકની ઉઠાંતરી
Morbi Today
મોરબી નજીક કાર ચાલકે ડબલ સવારી એકટીવાને હડફેટે લેતા અકસ્માતમાં ઇજા પામેલા એક યુવાનનું મોત: એક સારવારમાં
SHARE
JOIN OUR GROUP
મોરબીના કંડલા બાયપાસ રોડ ઉપર આવેલ નેક્ષસ સિનેમા પાસેથી બાઈક લઈને પસાર થયેલા ડબલ સવારી એકટીવાને કાર ચાલકે હડફેટે લીધું હતું જેથી કરીને અકસ્માતનો બનાવ બન્યો હતો અને અકસ્માતના બનાવમાં ઈજા પામેલ બંન્ને યુવાનને સારવારમાં ખસેડાયા હતા જે પૈકીના એક યુવાનનું સારવાર દરમિયાન મોત નિપજ્યું હતું જે બનાવમાં હાલમાં મૃતક યુવાનના પિતા દ્વારા કાર ચાલકની સામે મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
જાણવા મળતી વિગત મુજબ મોરબીના વાવડી રોડ ઉપર આવેલ નવનિર્માણ સ્કૂલ વાળી શેરીમાં ગાયત્રીનગર જીવન જ્યોત સોસાયટી ખાતે રહેતા અશોકભાઈ શિવલાલભાઈ કારીયા જાતે લોહાણા (૫૪)એ કાર નંબર જીજે ૩૬ એસી ૦૦૭૩ ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યુ છે કે મોરબી કંડલા બાયપાસ રોડ ઉપર આવેલ નેક્ષસ સિનેમા સામેથી તેઓનો દીકરો માસુમ (૧૮) એકટીવા નંબર જીજે ૩ ડીજે ૩૧૩૪ મા તેના મિત્ર શુભમ ભાવેશભાઈ સાથે બેસીને રોડ ક્રોસ કરતો હતો તે સમયે એકટીવા ને કાર ચાલકે હડફેટે લેતા અકસ્માતનો બનાવ બન્યો હતો અને તેમાં માસુમને માથાના ભાગે હેમરેજ જેવી ઈજા થઈ હતી અને છાતી તથા પેટના ભાગે પણ ઇજાઓ થઈ હતી તેમજ શુભમને પણ માથાના ભાગે ઈજા થઈ હતી જેથી કરીને બંને ઈજાગ્રસ્તોને સારવાર માટે ખસડોમાં આવ્યા હતા અને માસુમનું સારવાર દરમિયાન મોત નીપજ્યું હતું અને શુભમભાઈ હાલ અમદાવાદ ખાતે હોસ્પિટલમાં સારવાર હેઠળ હોય અકસ્માતમાં આ બનાવ સંદર્ભે મૃતક યુવાનના પિતા દ્વારા મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે કારચાલક સામે ગુનો નોંધી આરોપીને પકડવા માટે તજવીજ શરૂ કરી છે
