મોરબીમાં ટ્રાયેંગલ ઓવરબ્રિજ સહિત કુલ ૮૧.૫૮ કરોડના વિકાસ કામોનું સાંસદ-ધારાસભ્યની હાજરીમાં ખાતમહુર્ત કરાયુ
SHARE
JOIN OUR GROUP
મોરબી નટરાજ ફાટક પાસે ટ્રાફિકની વર્ષો જૂની સમસ્યા ઉકેલવા માટે થઈને ત્યાં ઓવરબ્રિજ બનાવવા માટેનું કામ મંજુર કરવામાં આવ્યું છે અને તેના સહિત જુદા જુદા વિકાસ કામો મળીને કુલ મળીને ૮૧.૫૮ કરોડ રૂપિયાની કિંમતના વિકાસ કામોનું આજે ખાતમુરત સાંસદ અને ધારાસભ્ય સહિતનાઓની હાજરીમાં કરવામાં આવ્યું હતું.
જાણવા મળતી વિગત પ્રમાણે મોરબી શહેરના સામા કાંઠા વિસ્તારમાં નટરાજ ફાટક પાસે છેલ્લા ઘણાવર્ષોથી ટ્રાફિકની સમસ્યા હતી ને તે ટ્રાફિકની સમસ્યા ઉકેલવા માટે થઈને ત્યાં ઓવરબ્રિજ બનાવવામાં આવે તે પ્રકારની લાગણીને માંગણી સરકાર સુધી કરવામાં આવી હતી ને તેને ધ્યાનમાં રાખીને સરકારના શહેરી વિકાસ વિભાગ તરફથી ગ્રાન્ટ મંજુર કરવામાં આવી છે અને જેના આધારે નગરપાલિકા દ્વારા હાલમાં ત્યાં ઓવરબ્રિજ બનાવવા માટેની કામગીરી હાથ ઉપર લેવામાં આવી છે અને જાણવા મળતી વિગત પ્રમાણે ૮૦ કરોડથી વધુ ના ખર્ચે મોરબીના નટરાજ ફાટક પાસે ટ્રાયએંગલ ઓવરબ્રિજ બનાવવામાં આવશે અને તેના બનવાના કારણે મોરબીમાં નટરાજ ફાટક પાસે જે સામા કાંઠે અવરજવરમાં ટ્રાફિક સહિતના પ્રશ્નો ઊભા થતા હતા તે તમામ પ્રશ્નોનો નિરાકરણ આવશે તેવી લાગણી ધારાસભ્ય અને સાંસદ સહિતના વ્યક્ત કરી હતી
આજે મોરબી ખાતે જે કાર્યક્રમ યોજાયો હતો તેમાં રાજ્યસભાના સાંસદ કેસરીદેવસિંહ ઝાલા, મોરબી માળિયા વિધાનસભા બેઠકના ધારાસભ્ય કાંતિભાઈ અમૃતિયા, હળવદ બેઠકના ધારાસભ્ય પ્રકાશભાઈ વરમોરા માજી મંત્રી જયંતિભાઇ કવાડીયા, ધારાસભ્ય મેઘજીભાઇ ચાવડા, જીલ્લા પંચાયતના પ્રમુખ હંસાબેન પારેઘી, તેમજ મોરબી નગરપાલિકાના માજી પ્રમુખ સહિતનાઓ હાજર રહ્યા હતા તે ઉપરાંત મોરબી જિલ્લા ભાજપના પ્રમુખ રણછોડભાઈ દલવાડી તેમજ મહામંત્રી જેઠાભાઇ મીયાત્રા, કે.એસ. અમૃતીયા, નરેન્દ્રસિંહ ઝાલા તેમજ મોરબી શહેર ભાજપના પ્રમુખ લાખાભાઈ જારીયા, મોરબી તાલુકા ભાજપના પ્રમુખ અરવિંદભાઇ વાંસદડીયા સહિતના સંગઠનના આગેવાનો હોદ્દેદારો હાજર રહ્યા હતા અને આ રોડનું કામ મંજુર થવાના કારણે મોરબીના લોકોની સુખાકારીમાં ભવિષ્યમાં ખૂબ મોટો વધારો થશે તેવી લાગણી સૌ કોઈ વ્યક્ત કરી હતી અને આજના દિવસે આ ઓવરબ્રિજ ઉપરાંત અન્ય વિકાસ કામો મળીને કુલ મળીને ૮૧.૫૮ કરોડ રૂપિયાની કિંમતના વિકાસ કામોનું ધારાસભ્ય અને સાંસદ સહિતનાઓના હસ્તે ખાતમુહૂર્ત કરવામાં આવ્યું છે.
