મોરબીમા પત્નીને દસ્તાના ઘા ઝીકી પતાવી દેનાર પતિને આજીવન કેદ

મોરબીના સામાકાંઠે વિસ્તારમાં આવેલ વિદ્યુતનગરમાં પત્નીના ચારિત્ર્ય ઉપર શંકા કરીને તેને તેના પતિએ દસ્તા વડે માર માર્યો હતો મહિલાની હત્યા કરી હતી જે કેસ મોરબીની કોર્ટમાં ચાલી જતાં કોર્ટે આરોપી પતિને આજીવન કેદની સજા ફટકારી છે

જાણવા મળતી માહિતી મુજબ મોરબીના સામાકાંઠે વિસ્તારમાં આવેલ વિદ્યુતનગરમાં રહેતા ભાવનાબેન પ્રવીણભાઈ કુબાવત નામના મહિલાને તેના જ ઘરમાં તેના પતિ પ્રવીણભાઈ મંછારામ કુબાવતે ચારિત્ર્યની શંકા કરીને તા ૧૦.૩.૨૦૨૨ ના રોજ દસ્તાના ઘા માર્યા હતા અને તેની હતી કરી નાખી હતી જે અંગેની મૃતકની દીકરી ઉર્વીશાબેને ફરિયાદ નોંધાવી હતી જેના આધારે પોલીસે આરોપીની ધરપકડ કરી હતી. અને આ કેસ મોરબીના બીજા એડિશનલ સેસન્સ જજ વિરાટ એ. બુદ્ધ સાહેબની કોર્ટમાં ચાલી ગયો હતો જેમાં ૬ મૌખિક અને ૨૫ દસ્તાવેજી પુરાવા ધ્યાને લેવામાં આવ્યા હતા અને મદદનીશ સરકારી વકીલ સંજયભાઈ દવે દ્વારા કરવામાં આવેલ દલીલોને ધ્યાને લઈને આરોપી પ્રવીણભાઈ કુબાવતે આજીવન કેદની સજા ફટકારી છે