મોરબીમાં ગાડી વેચવાનો સોદો નક્કી કરીને બીજાને વાહન વેંચી નાખી યુવાન સાથે દોઢ લાખની છેતરપિંડી

મોરબીના કાલિકા પ્લોટ વિસ્તારમાં રહેતા યુવાનને ૩ લાખમાં ઇકો ગાડી આપવાનો સોદો નક્કી કરીને નોટરી સમક્ષ લખાણ કરવામાં આવ્યું હતું અને તે યુવાન પાસેથી દોઢ લાખ રૂપિયા લઈ લીધા હતા અને બાકીની રકમ એક મહિનામાં આપવાનું નક્કી થયું હતું જો કે, ગાડીના અસલ ડોક્યુમેન્ટ લેવા જવાનું કહીને ગાડી લઈને બે શખ્સો ત્યાંથી ચાલ્યા ગયા હતા અને ફરિયાદી યુવાનના દોઢ લાખ રૂપિયા પરત આપેલ નથી તેમજ ગાડી અન્યને વેચાણ કરી નાખેલ છે જેથી કરીને યુવાન દ્વારા હાલમાં વિશ્વાસઘાત અને છેતરપિંડીની મોરબી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આગળની રાબેતા મુજબની કાર્યવાહી કરી છે

બનાવની જાણવા મળતી માહિતી પ્રમાણે મોરબીના કાલિકા પ્લોટ શેરી નં-૪ માં રામદેવપીરના મંદિર પાસે રહેતા મનોજભાઈ રમેશભાઈ જાદવ જાતે અનુ. જાતી (૩૦)એ હાલમાં અનિલભાઈ ડાયાભાઈ જાદવ રહે. કાલીકા પ્લોટ શેરી નં-૪ અને મણીલાલ કરસનભાઈ કાલરીયા રહે. જીવાપર ચકમપર વાળાની સામે વિશ્વાસઘાત અને છેતરપિંડીની ફરિયાદ નોંધાવી છે જેમાં તમે જણાવ્યુ છે કે, મણીલાલ કાલરીયાની માલિકીની ઇકો ગાડી નંબર જીજે ૩૬ એલ ૬૧૬૮ તેને ફરિયાદીને ત્રણ લાખમાં વેચાણ કરવા માટેનો સોદો નક્કી થયો હતો અને ફરિયાદીને નોટરી રૂબરૂ લઈ જઈ વેચાણ કરાર કરી તેની પાસેથી દોઢ લાખ રૂપિયા લીધા હતા અને બાકીની રકમ એક મહિના પછી આપવાનું નક્કી થયું હતું અને ઇકો ગાડી ફરિયાદી યુવાનને સોંપી ગાડીના અસલ ડોક્યુમેન્ટ લેવા જવાનું કહી ફરિયાદી યુવાનને વેચાણ કરેલ ઇકો ગાડી લઈને ગયા હતા અને ઇકો ગાડી તથા ફરિયાદી પાસેથી લીધેલા દોઢ લાખ રૂપિયા પરત ન આપીને તેની સાથે વિશ્વાસઘાત અને છેતરપિંડી કરવામાં આવી છે જેથી ભોગ બનેલ યુવાન દ્વારા હાલમાં મોરબી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે આરોપીને પકડવા માટે તજવીજ શરૂ કરી છે અને આ બનાવની આગળની વધુ તપાસ મોરબી એ ડિવિઝન પોલીસ સ્ટેશનના પી.એસ.આઇ. આર.એમ. ભટ્ટ ચલાવી રહ્યા છે