મોરબીમાં ધંધા માટે આપેલ હોટલ આપનારે ભાડું માંગતા યુવાનને લોખંડના રીંગ પાના વડે બે શખ્સોએ માર માર્યો

મોરબીના સનાળા રોડ ઉપર રામચોકના ઢાળિયા પાસે હોટલનો ધંધો કરવા માટે થઈને યુવાને બે વ્યક્તિને ૭૦,૦૦૦ હોટલ આપી હતી જેના ભાડાના  પૈસાની ઉઘરાણી કરતા બે શખ્સો દ્વારા તેને લોખંડના રીંગ પાના વડે માથાની પાછળ અને શરીરે માર મારવામાં આવ્યો હતો અને ઢિકાપાટુનો માર મારવામાં આવ્યો હતો જેથી કરીને ઈજા પામેલા યુવાનને સારવાર માટે લઈ ગયા હતા અને સારવાર લીધા બાદ તેને બે શખ્સોની સામે મોરબી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

બનાવની જાણવા મળતી માહિતી પ્રમાણે મૂળ રાજસ્થાનના રહેવાસી અને હાલમાં મોરબીના સનાળા રોડ ઉપર આવેલ રામચોકના ઢાળિયા પાસે અક્ષર સલૂનની સામેના ભાગમાં રહેતા શંકરલાલ બાલુદાસજી વૈષ્ણવ જાતે સાધુ (૩૫) એ હાલમાં મોરબી એ ડિવિઝન પોલીસ સ્ટેશને ભીમ બીકર તથા રોશન પરિયાર રહે. બંને બોમ્બે ફાસ્ટ ફૂડ હોટલ સનાળા રોડ રામચોક પાસે મોરબી વાળાની સામે ફરિયાદ નોંધાવેલ છે જેમાં તેને જણાવ્યું છે કે બંને આરોપીને ૧૫ દિવસ પહેલા હોટલનો ધંધો કરવા માટે થઈને ૭૦,૦૦૦ લેખે હોટલની જગ્યા ભાડે આપી હતી જે પૈસાની ઉઘરાણી કરતા બંને આરોપીએ ઉસકેરાઈ ગયા હતા અને તેની સાથે બોલાચાલી કરીને લોખંડના રીંગ પાના વડે તે યુવાનને માથાના પાછળના ભાગે માર માર્યો હતો તેમજ ઢીકાપાટુનો માર માર્યો હતો જેથી કરીને ઈજા પામેલ યુવાને સારવાર લીધા બાદ મોરબી સીટી એ ડિવિઝન પોલીસ સ્ટેશન ખાતે બંને સામે ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે