મોરબીના ઝૂલતા પુલ કેસમાં ૩૦૨ ની કલમ ઉમેરો-કંપનીને આરોપી બનાવવા કરાયેલ અરજીની ૩ જી તારીખે સુનાવણી
Morbi Today
મોરબી જિલ્લાના ૧૦ ડેમના કેચમેટ વિસ્તારમાં અડધાથી લઈને ત્રણ ઇંચ વરસાદ: મચ્છુ-૩ ૯૨ ટકા ભરાયો
SHARE
JOIN OUR GROUP
મોરબી જિલ્લાના ૧૦ ડેમના કેચમેટ વિસ્તારમાં અડધાથી લઈને ત્રણ ઇંચ વરસાદ: મચ્છુ-૩ ૯૨ ટકા ભરાયો
મોરબી જીલ્લામાં ૧૦ ડેમ આવેલા છે અને તે તમામ ડેમના કેચમેટ વિસ્તારમાં ગઇકાલથી વરસાદ વરસી રહ્યો છે ત્યારે ધીમીધારે વરસાદ હોવાથી પાણીની આવક પણ ધીમીધારે થઈ રહી છે જો કે, ડેમના કેચમેટ વિસ્તારમાં છેલ્લી ૨૪ કલાકમાં અડધાથી લઈને ત્રણ ઇંચ જેટલો વરસાદ પડે છે અને મચ્છુ-૩ ડેમ હાલમાં ૯૨ ટકા ભરાઈ ગયો છે જેથી નીચેના ગામોને એલર્ટ કરેલ છે
મોરબી જીલ્લામાં ગઇકાલથી વરસાદી માહોલ છે અને ધીમીધારે વરસાદ પડી રહ્યો છે ત્યારે વરસાદ બાદ હાલમાં ડેમોમાં આવેલા પાણીની સ્થિતિ ઉપર નજર કરીએ તો હજુ પણ પાણીની આવક ચાલુ જ છે જો કે, હાલમાં એક પણ ડેમ ઓવરફ્લો નથી અને સિંચાઇ વિભાગના અધિકારી પાસેથી મળતી માહિતી મુજબ મચ્છુ -૧ ડેમ ૮૬.૩૧ ટકા, મચ્છુ -૨ ડેમ ૬૯.૨૬ ટકા, મચ્છુ-૩ ડેમ ૯૨.૮૮ ટકા, ડેમી -૩ ડેમ ૨૪.૯૦ ટકા, ડેમી -૨ ડેમ ૨૬.૨૬ ટકા, ડેમી -૧ ડેમ ૨૫.૬૫ ટકા, ઘોડાધ્રોઇ ડેમ ૬૮.૯૧ ટકા, બંગાવડી ડેમ ૩૭.૩૧ ટકા, બ્રાહ્મણી -૨ ડેમ ૩૨.૫૩ ટકા અને બ્રાહ્મણી -૧ ડેમ ૪૨.૭૪ ટકા ભરાયેલ છે વધુમાં ડેમના કેચ મેટ વિસ્તારમાં થયેલ વરસાદના આંકડા ઉપર નજર કરીએ તો મચ્છુ -૧ ડેમ ત્રણ ઇંચ, મચ્છુ -૨ ડેમ એક ઇંચ, મચ્છુ-૩ ડેમ એક ઇંચ, ડેમી -૩ ડેમ અડધો ઇંચ, ડેમી -૨ ડેમ અઢી ઇંચ, ડેમી -૧ સવા બે ઇંચ, ઘોડાધ્રોઇ ડેમ એક ઇંચ, બંગાવડી ડેમ દોઢ ઇંચ, બ્રાહ્મણી -૨ ડેમ ઓઢ ઇંચ અને બ્રાહ્મણી -૧ ડેમ ના કેચમેટ વિસ્તારમાં બે ઇંચ વરસાદ નોંધાયેલ છે
મોરબીના સદુળકા ગામ પાસે આવેલ મચ્છુ-૩ ડેમમાં વરસાદના લીધે પાણીની આવક ચાલુ થયેલ છે જેથી કરીને હાલમાં ડેમમાં ૬૬૫ ક્યુસેક પાણી આવે છે અને આ ડેમ ૯૦ ટકા ભરાઈ ગયો છે જેથી રુલ લેવલ જાળવવા ગમે ત્યારે ડેમના દરવાજા ખોલવામાં આવે તેવી શકયતા છે જેથી કરીને નીચેના વનાળીયા, ગોરખીજડીયા,સાદુળકા, માનસર, રવાપર(નદી), અમરનગર, ગુંગણ, નાગડાવાસ, બહાદુરગઢ, સોખડા, દેરાળા, મહેન્દ્રગઢ, મેઘપર,નવાગામ,રાસંગપર, વિરવિદરકા,ફતેપર, માળીયા અને હરિપર સહિતના ગામના લોકોને એલર્ટ કરવામાં આવેલ છે
