હળવદમાં સીસીટીવી કેમેરા-સ્ટ્રીટ લાઈટો ચાલુ કરવા ફ્રેન્ડ્સ યુવા સેવા ગ્રુપની માંગ
Morbi Today
મોરબીના માજી ધારાસભ્યને ઊના વિધાનસભા બેઠકમાં બૂથ મેનેજમેન્ટ મજબૂતની જવાબદારી સોપાઈ
SHARE
JOIN OUR GROUP
મોરબીના માજી ધારાસભ્યને ઊના વિધાનસભા બેઠકમાં બૂથ મેનેજમેન્ટ મજબૂતની જવાબદારી સોપાઈ
આગામી વિધાનસભાની ચૂંટણીમાં રેકોર્ડ બ્રેક બેઠકો જીતવા ભાજપે કમર કસી છે અને એ માટેની રણનીતિના ભાગરૂપે બૂથ મેનેજમેન્ટ મજબૂત બનાવવાની યોજના અંતર્ગત મોરબીના માજી ધારાસભ્ય કાંતિભાઇ અમૃતિયાને ૯૩-ઉના વિધાનસભાની જવાબદારી સોંપાઈ છે અને તેમણે તા. ૨/૬ થી ભગવાન સોમનાથ દાદાના દર્શન કરીને ઉના બેઠકના વિસ્તારમાં તા ૩ થી ૫ સુધી પ્રવાસનું આયોજન કર્યું છે અને ઉના શહેર, ઉના તાલુકો તથા ગીર ગઢડા તાલુકા મંડલના હોદ્દેદારો સાથે ત્રણેય મંડલની કારોબારી બેઠકો ગુજરાત તથા કેન્દ્ર સરકારની વિવિધ યોજનાના કામોની મુલાકાત, વિવિધ મોરચા સેલની બેઠકો, નગરપાલિકા, તાલુકા અને જિલ્લા પંચાયતના સદસ્યઓ સાથે બેઠકો, આસપાસના ધાર્મિક સ્થળોના દર્શન ઉપરાંત અન્ય ભરચક કાર્યક્રમોનું આયોજન કરવામાં આવેલ છે. અને ગીર ગઢડા અને ઉના તાલુકા પંચાયતો ઉપરાંત ઉના નગરપાલિકામાં ભાજપનું શાસન છે આ વિસ્તારમાં આવતી તમામ જિલ્લા પંચાયત બેઠકો ભાજપ હસ્તકની છે. ૨૦૧૯ ની લોકસભામાં ભારતીય જનતા પક્ષના ઉમેદવારને આ વિસ્તારમાંથી ૨૮૩૮૩ મતની સરસાઇ પ્રાપ્ત થઈ હતી. અને આગામી વિધાનસભાની ચૂંટણીમાં પણ આ સરસાઈ જળવાઈ રહે અને ઉનામાં ભાજપનો વિજય વાવટો ફરકાય તે માટે કાંતિભાઈ અમૃતિયા પક્ષની યોજના પ્રમાણે પોતાની આગવી ઢબથી કાર્યરત છે.
