જમીન વેંચવી હોય તો અમને જ વેંચજો કહીને વૃદ્ધને બે શખ્સોએ માર માર્યો: ગુનો નોંધાયો
Morbi Today
મોરબીના ધરમપુર પાસે બે બાઇક અથડાતાં બાળક સહિત ત્રણને ઇજા: ગુનો નોંધાયો
SHARE
JOIN OUR GROUP
મોરબીના ધરમપુર પાસે બે બાઇક અથડાતાં બાળક સહિત ત્રણને ઇજા: ગુનો નોંધાયો
મોરબીમાં ધરમપુર ગામના પાટિયા પાસેથી પસાર થઈ રહેલા બાઇકને સામેથી આવી રહેલા બીજા બાઈકના ચાલકે અડફેટે લીધું હતું જેથી કરીને બાળક સહિત ત્રણ વ્યક્તિઓને ઇજા થઇ હતી માટે તે ત્રણેયને સારવારમાં ખસેડવામાં આવ્યા હતા અને સારવાર લીધા બાદ યુવાને હાલમાં અકસ્માત સર્જનારા બાઇક ચાલકની સામે મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે
જાણવા મળતી માહિતી મુજબ રાજકોટમાં ગ્રીનલેંડ ચોકડી પાસે લાલપરી શેરી નંબર-૩ માં ચામુંડા ડેરી બાજુમાં રહેતા મગનભાઈ વીરજીભાઇ સોલંકી (૪૩) એ હાલમાં બાઇક નંબર જીજે ૩ ડીઇ ૪૧૨૮ ના ચાલકની સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં તેણે જણાવ્યું છે કે, ધરમપુર ગામના પાટિયા પાસેથી તેઓ દિલીપભાઈ સોલંકીના બાઈકમાં બેસીની પોતાના દીકરા ક્રિષ્ના (૧૦) ને સાથે લઈને જુના સાદુળકા ગામથી રાજકોટ તરફ જવા માટે નીકળ્યા હતા ત્યારે તેઓના બાઇક નંબર જીજે ૩ એફપી ૨૯૧૨ ને આરોપી બાઇક ચાલકે અડફેટે લીધું હતું જેથી કરીને ફરિયાદી મગનભાઈ તેમજ તેના દીકરા ક્રિષ્ના અને દિલીપભાઈને ઇજાઓ થઇ હતી જેમાં ક્રિષ્ના અને દિલીપભાઈને માથામાં ગંભીર ઇજાઓ થયેલ છે જેથી કરીને તમામ ઇજાગ્રસ્તોને સારવાર માટે ખસેડવામાં આવ્યા હતા અને હાલમાં સારવાર લીધા બાદ મગનભાઈ સોલંકીએ સામે મોરબી તાલુકા પોલીસ સ્ટેશન ખાતે અકસ્માત સર્જનારા બાઇક ચાલકની સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
