મોરબી જિલ્લા કક્ષાની કલામહાકુંભ સ્પર્ધા ૯ ફેબ્રુઆરીના વાંકાનેર ખાતે યોજાશે
Morbi Today
મોરબી પોલીસે વાહન ચોરી અને દારૂના ગુનામાં નાસતા ફરતા બે આરોપીને દબોચ્યા
SHARE
JOIN OUR GROUP
મોરબી પોલીસે વાહન ચોરી અને દારૂના ગુનામાં નાસતા ફરતા બે આરોપીને દબોચ્યા
મોરબી એલસીબી પોલીસના પેરોલ ફર્લો સ્ટાફના જયેશ વાઘેલા, ચંદ્રકાંત વામજા અને બ્રીજેશ કાસુન્દ્રાને ખાનગી રાહે બાતમી મળી હતી કે વાંકાનેર સીટી પોલીસ સ્ટેશનમાં નોંધાયેલ વાહનચોરી તેમજ ચોટીલા પોલીસ સ્ટેશનમાં નોંધાયેલ વાહનચોરીના ગુનામાં છેલ્લા છ માસથી ફરાર આરોપી વિષ્ણુ ભરત કુકવાવા જાતે કોળી (૨૦) રહે.મૂળ કંસાળા તાલુકો સાયલા જિલ્લો સુરેન્દ્રનગર હાલ રહે.બાવળા શાંતિકળસ સોસાયટી અમદાવાદ વાળો સાયલા બાયપાસ ચોકડી પાસેથી નીકળવાનો છે તેથી સાયલા બાયપાસ ચોકડી ખાતે વોચ ગોઠવીને છેલ્લા છ માસથી ઉપરોકત બે વાહનચોરીના ગુનામાં નાસતા ફરતા વિષ્ણુ કોળીની એલસીબીના પેરોલ ફર્લો સ્ટાફે ધરપકડ કરી હતી.
જ્યારે મોરબી સીટી બી ડિવિઝન પોલીસ મથકમાં નોંધાયેલ દારૂના ગુનામાં છેલ્લા છ મહિનાથી નાસતા ફરતા આરોપીને પકડી પાડવામાં સીટી બી ડિવિજન પોલીસને સફળતા મળી છે.પોલીસ સૂત્રોના જણાવ્યા પ્રમાણે દારૂના ગુનામાં ફરાર મિથુન ઉર્ફે હેમંત મોહનલાલ કોરી હાલ રહે.રણછોડનગર હુશૈનભાઈના મકાનમાં નવલખી રોડ મોરબી મૂળ રહે પ્રીતમપુરા કુટી વિસ્તાર તાલુકો જીલ્લો ધાર મધ્યપ્રદેશ વાળો મોરબીના મયુર બ્રિજ પાસે આવેલ કેસર બાગ નજીક હોવાની બાતમી મોરબી બી ડિવિઝન પોલીસ મથકના ભગીરથ લોખીલ અને ધર્મેન્દ્ર રાંકજાને મળી હતી જેથી પોલીસ સ્ટાફને સાથે રાખીને ત્યાં રેડ કરવામાં આવતા બી ડિવિઝન પોલીસ મથકે નોંધાયેલ દારૂના ગુનામાં છેલ્લા છ માસથી ફરાર મિથુન ઉર્ફે હેમંત મોહનલાલ કોરીની પણ ધરપકડ કરવામાં આવી હતી.
