મોરબીના પીપળી રોડને તાત્કાલિક રીપેર કરવા અજય લોરીયાએ સીએમ-પ્રદેશ ભાજપ પ્રમુખને કરી રજૂઆત..!
SHARE
JOIN OUR GROUP
મોરબીના પીપળી રોડને તાત્કાલિક રીપેર કરવા અજય લોરીયાએ સીએમ-પ્રદેશ ભાજપ પ્રમુખને કરી રજૂઆત..!
મોરબીના પીપળી રોડનો ઓદ્યોગીક વિકાસ થયો છે જો કે, આ રોડની હાલત છેલ્લા ઘણા સમયથી દાયનીય છે ત્યારે મોરબીથી અણિયારી સુધીના આ રોડને તાત્કાલિક રિપેર કરવા માટે જિલ્લા પંચાયતની બાંધકામ સમિતિના ચેરમેન દ્વારા સીએમ અને ભાજપના પ્રદેશ પ્રમુખને રજૂઆત કરવામાં આવી છે
મોરબી જિલ્લા પંચાયતના બાંધકામ સમિતિ ચેરમેન અજય લોરિયાએ હાલમાં સીએમ ભુપેન્દ્રભાઈ પટેલ અને પ્રદેશભાઈ પ્રમુખ સી.આર. પાટિલને લેખિતમાં રજુઆત કરીને પીપળીથી અણિયારી સુધીના રોડને તાત્કાલિક રીપેર કરવા માટેની માંગ કરવામાં આવી છે તેને જણાવ્યુ છે કે, આ રોડ ઉપર ૪૦૦ જેટલા નાના મોટા કારખાના આવેલ છે જેના થકી રાજ્ય અને કેન્દ્ર સરકારને કરોડોનું હૂંડિયામણ મળે છે અને આ રોડ પર દરરોજ હજારોની સંખ્યામાં વાહનોની અવાર જવર થાય છે ત્યારે આ રોડ ખરાબ હોવાથી લોકોને સમય તેમજ પેટ્રોલ અને ડીઝલ બગડે છે જેથી કરીને આ ખખડધજ રોડને તાત્કાલિક રીપેર કરવામાં આવે તે જરૂરી છે હાલમાં પીપળી રોડ ઉપર ઠેર- ઠેર ખાડા ખબડા છે જેના લીધે દરરોજ અકસ્માતના બનાવો બને છે અને મહિને ૨૦ થી વધુ અકસ્માતો થાય છે. જેમાંથી પાંચથી વધુના મોત થાય છે માટે વહેલામાં વહેલી તકે આ રોડને રીપેર કરવામાં આવે તેવી માંગ ઉઠેલ છે
