મોરબીના ફડસર ગામે ખરાબાની જગ્યામાંથી 1164 બોટલો દારૂ ઝડપાયો, આરોપીની શોધખોળ
Morbi Today
મોરબીમાં સિપાહીવાસ પાસેથી 154 બોટલ દારૂ સાથે એક્ટિવા ચાલક પકડાયો, બે શખ્સોની શોધખોળ
SHARE
JOIN OUR GROUP
મોરબીમાં સિપાઇવાસ પાસેથી ૧૫૪ બોટલ દારૂ સાથે એક્ટિવા ચાલક પકડાયો, બે શખ્સોની શોધખોળ
મોરબી સીટી એ ડિવિઝન પોલીસે પેટ્રોલિંગ દરમિયાન સિપાઇવાસ નજીકથી પસાર થઇ રહેલા એકટીવા ચાલકને અટકાવ્યો હતો.અને તેની તલાસી લેતા જુદી જુદી બ્રાન્ડની ૧૫૪ બોટલ દારૂ મળી આવતા દારૂ તથા એકટીવા સાથે હાલ એકને પકડવામાં આવ્યો હતો અને તેની પુછપરછમાં બે ના નામ ખુલતા ત્રણેયની સામે ફરિયાદ નોંધીને પોલીસે આગળની તપાસ શરૂ કરી છે.
મોરબી સીટી એ ડિવિઝન પોલીસ સૂત્રોમાંથી મળતી માહિતી પ્રમાણે સ્ટાફ પેટ્રોલિંગમાં હતો.ત્યારે શહેરના સિપાઈવાસ વિસ્તારમાં આવેલ જાગૃતિ બ્યુટી પાર્લર પાસેથી પસાર થતાં એકટીવાને અટકાવી તેમાં ચેકિંગ કરતા તેમાંથી જુદી-જુદી બ્રાન્ડની ૧૫૪ બોટલ દારૂ કિંમત રૂપિયા ૧૯,૨૫૦ નો મુદામાલ મળી આવ્યો હતો.જેથી દારૂ તથા રૂપિયા ૫૦,૦૦૦ નું એકટીવા એમ કપલ રૂ.૬૯,૨૫૦ ના મુદામાલ સાથે સ્થળ ઉપરથી સિદીક ઇસ્માઇલ ચાનીયા (૫૪) રહે.વાઘપરા મોરબીને પકડવામાં આવ્યો હતો.અને તેની ઉલટ તપાસમાં અક્રમ મહેબૂબ શાહમદાર રહે.મકરાણીવાસ મોરબી તથા જુબેર ઉર્ફે બબુડો મહેબુબ પાયક રહે.પંચાસર રોડ જનકનગર મોરબીના નામ સામે આવ્યા હોય ત્રણેયની સામે ગુનો નોંધી રૂપિયા ૬૯,૨૫૦ નો મુદ્દામાલ જપ્ત કરવામાં આવ્યો હતો.તેમજ એ ડિવિઝન પોલીસે શહેરના ગાંધી ચોક પાસેથી નીકળેલા દિનેશ મૂળજીભાઈ નિમાવત (૨૭) રહે.સાયન્ટીફીક રોડ મોરબી ને અટકાવી તેની ઝડતી લેતા તેની પાસેથી દારૂની એક બોટલ મળી આવતા રૂપિયા ૭૪૭ ની કિંમતના દારૂ સાથે પકડી તેણે દારૂની બોટલ ક્યાંથી મેળવી ? તે દિશામાં આગળની તપાસ હાથ ધરી હતી.
