મોરબી નજીક મોબાઇલ ટાવરમાંથી કાર્ડ, કેબલ વાયર, જમ્પર સહિત 83,000 થી વધુ ની કિંમતના મુદ્દામાલની ચોરી
SHARE
JOIN OUR GROUP
મોરબી નજીક મોબાઇલ ટાવરમાંથી કાર્ડ, કેબલ વાયર, જમ્પર સહિત 83,000 થી વધુ ની કિંમતના મુદ્દામાલની ચોરી
મોરબીના ઘૂંટુ ગામ પાસે ગૌશાળા નજીક આવેલ મોબાઈલ ટાવરમાંથી કાર્ડ, કેબલ વાયર, જમ્પર સહિત કુલ મળીને 83,613 રૂપિયાની કિંમતના મુદ્દામાલની ચોરી કરવામાં આવેલ છે જેથી કરીને હાલમાં કંપનીના સુપરવાઇઝર દ્વારા મોરબી તાલુકા પોલીસ સ્ટેશન ખાતે અજાણ્યા શખ્સની સામે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
મૂળ મોડપર ગામના રહેવાસી અને હાલમાં મોરબીના વાવડી રોડ ઉપર આવેલ ગાયત્રીનગર વિસ્તારમાં રહેતા અને ઇન્ડસ મોબાઈલ ટાવર કંપનીના સુપરવાઇઝર તરીકે કામ કરતા રવિરાજસિંહ ઓમકારસિંહ જાડેજા (32) એ અજાણ્યા શખ્સ સામે મોરબી તાલુકા પોલીસ સ્ટેશન ખાતે ચોરીની ફરિયાદ નોંધાવી છે જેમાં તેને જણાવ્યું છે કે મોરબીના ઘુટુ ગામે ગૌશાળા પાસે ઇન્ડસ કંપનીના મોબાઈલ ટાવર પાસે આઈડી નંબર 1321093 જીટી 5287 વાળી જગ્યામાં કોઈ અજાણ્યા શખ્સ દ્વારા રાત્રીના સમયે પ્રવેશ કરવામાં આવ્યો હતો અને ટાવર ઉપર ચડીને ટાવરમાં લગાવેલ એરટેલ કંપનીના અંજના કાર્ડ, કેબલ જમ્પર સહિત કુલ મળીને 83,613 રૂપિયાની કિંમતના મુદ્દામાલની ચોરી કરવામાં આવેલ છે જેથી કરીને હાલમાં યુવાને નોંધાવેલ ફરિયાદ આધારે પોલીસે અજાણ્યા શખ્સની સામે ચોરીનો ગુનો નોંધીને આરોપીને પકડવા માટે તજવીજ શરૂ કરેલ છે
