મોરબીમાં માતા-પિતાથી વિખૂટી પડેલી ૩ વર્ષની બાળકીનું પરિવાર સાથે કરાવ્યું મિલન
Morbi Today
મોરબીની બેલા ચોકડી પાસે આઇસર ચાલકે ડબલ સવારી એકટીવાને હડફેટે લેતા ઇજા પામેલ યુવાનનું મોત, એક સારવારમાં
SHARE
JOIN OUR GROUP
મોરબીની બેલા ચોકડી પાસે આઇસર ચાલકે ડબલ સવારી એકટીવાને હડફેટે લેતા ઇજા પામેલ યુવાનનું મોત, એક સારવારમાં
મોરબીના જેતપર રોડ ઉપર આવેલ બેલા ગામ પાસે ચોકડી નજીકથી ડબલ સવારી એકટીવા પસાર થઈ રહ્યુ હતું ત્યારે આઇસરના ચાલકે તે વાહનને હડફેટે લીધું હતું અને અકસ્માત થયો હતો જે બનાવમાં એકટીવા ઉપર જઈ રહેલા બે વ્યક્તિઓને ઈજા થઈ હતી તે પૈકી યુવાનને શરીરે ગંભીર ઇજાઓ થઈ હોવાથી તેનું સારવાર દરમિયાન મોત નીપજ્યું હતું જે બનાવ સંદર્ભે હાલમાં મૃતક યુવાનના મોટાભાઈએ નોંધાવેલ ફરિયાદ આધારે પોલીસે આઇસરના ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે.
મોરબીના ભડીયાદ રોડ ઉપર આવેલ જવાહર સોસાયટી ખાતે રહેતા મનસુખભાઈ ધનજીભાઈ ભંખોડીયા (56) એ હાલમાં આઇસર નંબર જીજે 36 વી 0735 ના ચાલક સામે ફરિયાદ નોંધાવેલ છે જેમાં તેને જણાવ્યું છે કે મોરબીના જેતપર રોડ ઉપર આવેલ બેલા ગામે ચોકડી પાસેથી ફરિયાદીના નાના ભાઈ ભુપેન્દ્રભાઈ ધનજીભાઈ ભંખોડીયા (44) રહે.રોટરીનગર તાલુકો મોરબી વાળા એકટીવા નંબર જીજે 36 એએમ 0979 લઈને પસાર થઈ રહ્યા હતા અને ત્યારે તેઓના એકટીવામાં તેની સાથે દેવજીભાઈ બચુભાઈ સંઘાણી (60) રહે બેલા વાળા પણ બેઠેલા હતા અને આ ડબલ સવારી એકટીવાને આઇસર ચાલકે હડફેટે લેતા અકસ્માત થયો હતો જે બનાવમાં દેવજીભાઈને માથામાં શરીરે ઇજાઓ થઈ હતી જ્યારે ફરિયાદીના ભાઈ ભુપેન્દ્રભાઈ ભંખોડીયાને શરીરે ગંભીર ઇજાઓ થઈ હોવાથી તેઓને પણ સારવારમાં ખસેડવામાં આવ્યા હતા જોકે સારવાર કારગત ન નીવડતા તેમનું મોત નિપજ્યું હતું. આ બનાવ સંદર્ભે હાલમાં મૃતક યુવાનના ભાઈએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
#morbi #મોરબી
