ફિલ્મી સ્ટંટ ?: મોરબીમાં બોલેરોમાં ભરેલ ઓવરલોડ માલમાંથી વસ્તુઓ પડું-પડું હોવા છતાં વાહન બેફામ ગતિએ રોડ ઉપર દોડતું રહ્યું ! સાબ્બાસ: દિલ્હીમાં અભ્યાસ કરતી રેપ પીડિત દીકરીની શિક્ષણ ફી મોરબીની મુસ્કાન વેલફેર સોસાયટી દ્વારા ભરવામાં આવી મોરબીમાં ચિલ્ડ્રન ડેવલપમેન્ટ ફાઉન્ડેશન દ્વારા ઓપન ગુજરાત ડાન્સ કોમ્પીટીશનનું આયોજન મોરબી જિલ્લામાં ખેડૂતોએ બિયારણ, ખાતર અને જંતુનાશક દવાઓની ખરીદી વખતે સાવચેતી રાખવા અનુરોધ મોરબી જિલ્લાના ૬,૩૨૭ થી વધુ ઉમેદવારોએ અનુબંધમ પોર્ટલથી કરાવી નોંધણી મોરબીના હજનાળી ગામે મંદિરમાંથી 9.91 લાખના આભૂષણો-છતરની ચોરી, તસ્કરોને પકડવા દોડધામ ટંકારા આઈ.ટી.આઈ. ખાતે ૧૯ નવેમ્બરે ભરતીમેળો યોજાશે ખેડૂતોને મળશે ભીડમાંથી મુક્તિ: મોરબી જિલ્લામાં ફર્ટિલાઈઝર વિતરણની નવી ડિજિટલ પહેલ: હવે FFS એપ દ્વારા ખાતરનું એડવાન્સ બુકિંગ કરી શકાશે
Breaking news
Morbi Today

વાંકાનેરમાં વધુ એક બાયપાસ બનતા જીનપરા જકાતનાકે વાહનોનું ભારણ ઘટશે, કોરોના પહેલાની બંધ કરાયેલ લોકલ ટ્રેન ફરી શરૂ કરવા રજૂઆત: પત્રકાર પરિષદમાં સાંસદ કેસરીદેવસિંહ ઝાલાએ આપી માહિતી


SHARE







































વાંકાનેરમાં વધુ એક બાયપાસ બનતા જીનપરા જકાતનાકે વાહનોનું ભારણ ઘટશે, કોરોના પહેલાની બંધ કરાયેલ લોકલ ટ્રેન ફરી શરૂ કરવા રજૂઆત: પત્રકાર પરિષદમાં સાંસદ કેસરીદેવસિંહ ઝાલાએ આપી માહિતી

વાંકાનેર વિસ્તારના વિવિધ વિકાસલક્ષી પ્રશ્ર્નો અને જનહિતના મુદ્દાઓને લઈને રાજયસભાના સાંસદ કેસરીદેવસિંહ ઝાલાએ પત્રકાર પરિષદ યોજી હતી. આ પ્રસંગે તેમણે વાંકાનેર શહેર અને આસપાસના વિસ્તારોના મહત્વના પ્રશ્ર્નોને સરકાર સમક્ષ રજુ કરવામાં આવ્યા હોવાની માહિતી આપી હતી.

વાંકાનેર મહાનદીમાં છોડાવેલ પાણી અને વાંકાનેર મોરબી બાયપાસ બનાવવાની સફળ રજુઆત બાદ સાંસદ એ જણાવ્યું હતું કે વિવેકાનંદ ચોકથી દાણાપીઠ સુધીના મુખ્ય રોડનું કામ ઝડપથી શરૂ થાય તે માટે સંબંધીત વિભાગ સમક્ષ રજુઆત કરવામાં આવી છે.

આ માર્ગ શહેરના વેપાર અને વાહનવ્યવહાર માટે અત્યંત મહત્વનો હોવાથી તેનું આધુનિકીકરણ જરૂરી હોવાનું જણાવી તેમણે જણાવ્યું હતું કે શહેરના લાંબા સમયથી ચાલી રહેલા રેલવે ફાટકના પ્રશ્નના કાયમી ઉકેલ માટે ઉચ્ચ કક્ષાએ અને ટ્રાફીકની સમસ્યા દુર થાય અને લોકોને સરળ અવરજવર મળી રહે તે માટે જરૂરી આયોજન હાથ ધરવા માંગ કરવામાં આવી છે.

મચ્છુ નદી ઉપર હાઈવેના હાલના પુલથી ઉગમણી દિશામાં બની રહેલા પુલનું કામ અને અમરસર રેલવે ફાટક પરનો ઓવરબ્રિજ ઝડપથી પુર્ણ થાય તે માટે પણ રજુઆત કરવામાં આવી છે. હાલમાં રાતીદેવરીથી હાઈવેને જોડતો બાયપાસ છે, મોરબી બાયપાસ મંજુર થઈ ગયો છે .

ઉપરાંત એક નવો બાયપાસ રોડ બનાવવા રજુઆત કરાઈ છે, જે મોરબી-ચોટીલા તરફથી આવતા જતા વાહનોને જીનપરા જકાતનાકા પાસે આવવું ન પડે અને વારંવાર થતા અકસ્માતોમાં ઘટાડો થાય. સાંસદએ સર્કિટ હાઉસ અને આધુનિક પબ્લીક લાઈબ્રેરીની સુવિધા વાંકાનેરમાં ઉપલબ્ધ થાય તે માટે પણ રજુઆત કરી હોવાનું જણાવ્યું હતું. બંને પ્રોજેકટ શહેરના સામાજીક અને શૈક્ષણિક વિકાસમાં મહત્વપૂર્ણ સાબીત થશે.

ખાસ કરીને વાંકાનેર ફાસ્ટ ટ્રેનના સ્ટોપેજ શરૂ કરવા અને કોરોના પહેલા બંધ પડેલી લોકલ ટ્રેન માટે રેલવે મંત્રાલય સમક્ષ રજુઆત કરવામાં આવી છે. જેના કારણે વિદ્યાર્થીઓ, નોકરીયાતો, વેપારીઓ અને મુસાફરોને મોટી રાહત મળશે. સાંસદ કેસરીદેવસિંહ ઝાલાએ જણાવ્યું કે વાંકાનેરના વિકાસ અને લોકોની સુવિધાઓ માટે તેઓ સતત પ્રયત્નશીલ છે અને તમામ પ્રશ્નોના ઝડપી નિરાકરણ માટે સંબંધીત વિભાગો સાથે સતત સંકલન કરવામાં આવી રહ્યું છે. આ પત્રકાર પરિષદમાં સ્થાનિક પત્રકાર મિત્રો ઉપસ્થિત રહ્યા હતા.

 
















Latest News