મોરબીના મિલકતધારકોને ઓનલાઈન ટેકસ ભરીને વધુ રીબેટનો લાભ લેવા અધિકારીની અપીલ

મોરબી મહાનગરપાલિકામાં વર્ષ ૨૦૨૬-૨૭ ના નાણાકીય વર્ષમાં ઓનલાઈન ટેકસ ભરપાઈ પર ચાલુ વર્ષના મિલકતવેરા પર વધુ ર % રીબેટ મેળવવા માટે 10 દિવસ બાકી છે જેથી કરીને ટેક્સ ભરવાનો બાકી હોય તેવા આસામીઓને ટેક્સ ભરીને રિબેટ યોજનાનો લાભ લેવા માટે અધિકારી અપીલ કરેલ છે.

મોરબી મહાનગરપાલિકાના અધિકારી શહેરના મિલકતધારકોને જણાવ્યુ છે કે, ૨૦૨૬-૨૭ ના નાણાકીય વર્ષ માટે ઓનલાઈન રીબેટ યોજના અમલ મુકવામાં આવેલ છે. જેમાં મિલકતધારકની બાકી રકમ તાત્કાલિક ઓફિસમાં આવી ભરીએથી ચાલુ વર્ષના મિલકતવેરા પર 10 % તથા વેબસાઈટ તથા મોબાઈલ એપ્લીકેશન દ્વારા ઓનલાઈન ટેકસ ભર્યેથી 12 % રીબેટ આપવામાં આવશે. આ વળતર યોજનાનો લાભ 11494 મિલકત ધારકોએ લીધેલ છે ઓનલાઈન ટેકસ ભરપાઈ પર વધુ 2 % રીબેટ મેળવવા માટે 10 દિવસ બાકી છે આ વળતર યોજનાનો વધુમાં વધુ મિલકતધારક લાભ મેળવે અને પ્રોપર્ટી ટેક્સ તથા વ્યવસાયવેરો E C સ્વીકારવાની કામગીરી મહાનગરપાલિકા ઓફિસમાં સમય સવારે 10:30 થી સાંજે 5:00 કલાક સુધી તેમજ મહાનગરપાલિકા દ્વારા કુલ 11 (અગીયાર) વોર્ડ ઓફીસમાં  સ્વીકારવામા આવશે તેમ મહાનગરપાલિકા વિસ્તારના તમામ મિલકતધારકો/ ભોગવટેદારને જાણ કરવામાં આવી છે.