મોરબી જિલ્લા યુવક કોંગ્રેસ દ્રારા રાહુલ ગાંધીના જન્મદિવસ નિમિત્તે સ્ટેશનરી વિતરણ
SHARE
JOIN OUR GROUP
મોરબી જિલ્લા યુવક કોંગ્રેસ દ્રારા રાહુલ ગાંધીના જન્મદિવસ નિમિત્તે સ્ટેશનરી વિતરણ
ભારતીય રાષ્ટ્રીય કોંગ્રેસના વરિષ્ઠ નેતા તથા લોકસભામાં વિપક્ષના નેતા રાહુલ ગાંધીના જન્મદિવસ નિમિત્તે મોરબી જિલ્લા યુવક કોંગ્રેસ દ્વારા માનવસેવા અને જનકલ્યાણના ઉદ્દેશ સાથે મોરબી શહેરમાં આવેલ બુનિયાદી કન્યા શાળા વિસાફાટક પાસે, તથા વિકાસ વિધાલય શોભેશ્વર રોડની બાળાઓને તથા મોરબી શહેરના અન્ય આર્થિક પછાત વિસ્તારોમાં ફુલ સ્કેપ ચોપડા તથા પેનનું વિતરણ કરવામાં આવ્યુ હતુ.
આ પ્રસંગે મોરબી જિલ્લા યુવક કોંગ્રેસના પ્રમુખ વસીમભાઈ મન્સુરી, મોરબી જિલ્લા યુવક કોંગ્રેસના મહામંત્રી પ્રકાશભાઈ રાજપરા, ટંકારા પડધરી વિધાનસભાના પ્રમુખ મિલનભાઈ સીરિયા, અમિતભાઈ ભોજવીયા, બળવંતભાઈ ઘુમલીયા, તથા કોંગ્રેસના આગેવાન મુકેશભાઈ ગામી, પંકજભાઈ મસોતના સહયોગથી ઉજવણી કરવામાં આવી હતી. આગેવાનોએ જણાવ્યું હતું કે રાહુલ ગાંધીજી હંમેશા સમાજના નબળા અને વંચિત વર્ગોના હિતોની લડત લડતા આવ્યા છે.તેમના જન્મદિવસની ઉજવણી માત્ર શુભેચ્છાઓ સુધી મર્યાદિત ન રાખતા, સેવાકીય અને માનવતાવાદી પ્રવૃત્તિઓ દ્વારા સમાજ પ્રત્યેની જવાબદારી નિભાવવાનો પ્રયાસ કરવામાં આવ્યો છે.આ સેવાકીય કાર્યક્રમ દરમિયાન શાળામાં અભ્યાસ કરતા બાળકો માં ખુશી અને આત્મીયતાનો માહોલ જોવા મળ્યો હતો.મોરબી જિલ્લા યુવક કોંગ્રેસ દ્વારા ભવિષ્યમાં પણ સમાજહિત અને જનકલ્યાણને કેન્દ્રમાં રાખી વિવિધ સેવાકીય કાર્યક્રમો યોજવામાં આવશે તેવી પ્રતિબદ્ધતા વ્યક્ત કરવામાં આવી હતી.
