મોરબીમાં ચલણી નોટના નંબર આધારે જુગાર રમતા 3 શખ્સો પકડાયા

મોરબીના સનાળા રોડ ઉપર નવા બસ સ્ટેશન સામે ચલણી નોટના નંબર આધારે જુગાર રમતા હોવાની હકીકત મળી હતી જેના આધારે પોલીસે ત્યાં રેડ કરી હતી ત્યારે સ્થળ ઉપરથી ત્રણ શખ્સો જુગાર રમતા મળી આવ્યા હતા જેથી કરીને પોલીસે 10,500 ની રોકડ સાથે તેની ધરપકડ કરી હતી અને એ ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે

મોરબી એ ડિવિઝન પોલીસની ટિમ પેટ્રોલિંગમાં હતી ત્યારે  નવા બસ સ્ટેશન સામે જાહેરમાં ચલણી નોટના નંબર આધારે જુગાર રમતા હોવાની હકીકત મળી હતી જેના આધારે પોલીસે ત્યાં રેડ કરી હતી ત્યારે સ્થળ ઉપરથી ભુપેન્દ્રભાઈ ગોપાલદાસ બુદ્ધદેવ (52) રહે. કાયાજી પ્લોટ મોરબી, પદુભા મનહરસિંહ જાડેજા (62) રહે. સહયોગ સોસાયટી મોરબી અને જીતેન્દ્ર ગોપાલદાસ બુદ્ધદેવ (46) રહે. કાયાજી પ્લોટ મોરબી વાળા જુગાર રમતા મળી આવ્યા હોય પોલીસે 10500 ની રોકડ સાથે ત્રણેયને પકડીને તેની સામે એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે