મોરબીના આમરણ પાસેથી ૧૧ જીવિત પાડાને કતલખાને લઈ જતી તુફાન સાથે બે શખ્સ પકડાયા, બેની શોધખોળ

મોરબીના આમરણ ગામ પાસે બનાવવામાં આવેલ ચેક પોસ્ટ નજીકથી તુફાન ગાડી પસાર થતી હતી ત્યારે તેને રોકીને પોલીસે ચેક કરતાં તે તુફાનમાં ૧૧ જીવિત પાડાને ખીચોખીચ દોરડાથી કૃરતાપુર્વક બાંધી ગાડીમાં લઈ જતાં હતા જેથી કરીને પોલીસે અબોલજીવને કતલખાને લઈ જતાં બચાવીને ગાડીમાં બેઠેલા બે શખ્સોને પકડીને કુલ ૨.૫૫ લાખનો મુદામાલ કબજે કરેલ છે અને જામનગરના બે શખસોના નામ સામે આવેલ છે જેથી તેને પકડવા માટે પોલીસે તપાસ શરૂ કરેલ છે

બનાવની જાણવા મળતી વિગતો પ્રમાણે મોરબી તાલુકાના આમરણ ગામ પાસે બનાવવામાં આવેલ ચેક પોસ્ટ નજીકથી પસાર થતી તુફાન ગાડી નંબર જીજે ૧૦ એક્સ ૦૩૬૬ ને રોકીને પોલીસે ચેક કરી હતી ત્યારે તે ગાડીમાથી જીવીત ૧૧ પાડા મળી આવ્યા હતા અને વાહનમાં અબોલજીવ માટે કોઈ પ્રકારની ચારો પાણીની વ્યવસ્થા હતી નહીં અને ૧૧ પાડાને ખીચોખીચ દોરડાથી કૃરતાપુર્વક બાંધી ગાડીમાં લઈ જતાં હતા જેથી કરીને પોલીસે જીવીત ૧૧ પાડા જેની કિંમત ૫૫૦૦૦ તેમજ બે લાખની ગાડી મળીને કુલ ૨,૫૫,૦૦૦ ના મુદ્દામાલ સાથે હાલમાં તુફાનના ડ્રાઈવર મોહમદ નકીબ અબ્દુલા કુરેશી જાતે પટણી (ઉ.૨૪) અને સલીમભાઇ હસનભાઇ કુરેશી જાતે પટણી (ઉ.૪૦) રહે. બંને ચોપડા ફળી પટણીવાડ ઢોકડ કાડો જામનગર વાળાની ધરપકડ કરેલ છે અને તેની પાસેથી મકસુદ ચાકી રહે. જામનગર અને નજીર સતરભાઇ કસાઇ રહે. કાલાવાડના નાકે, જામનગર વાળાના નામ સામે આવેલ છે જેથી આ ચારેય શખ્સોની સામે પશુ પ્રત્યે ઘાતકીપણા એકટ ૧૯૬૦ ની કલમ. ૧૧(૧)(ડી), (ઇ), (એફ), (એચ) મુજબ ગુનો નોંધવામાં આવેલ છે અને જે બે આરોપીને પકડવાના બાકી છે તેને પકડવા માટે પોલીસે ચક્રોગતિમાન કરેલ છે