મોરબીના રફાળેશ્વર ગામે પેટા આરોગ્ય કેન્દ્ર ફાળવવા જિલ્લા પંચાયતના પ્રમુખને રજૂઆત

મોરબીની જાંબુડીયા ગ્રામ પંચાયત હેઠળ આવતા રફાળેશ્વર ગામે લોકોના આરોગ્યની સુખાકારીને ધ્યાને રાખીને નવું પેટા આરોગ્ય કેન્દ્ર ફાળવવા આવે તે જરૂરિ છે જેથી કરીને જાંબુડીયા ગ્રામ પંચાયતના સરપંચ દ્વારા જિલ્લા પંચાયતના પ્રમુખ અને જિલ્લા આરોગ્ય અધિકારીને તેના માટે લેખિતમાં રજૂઆત કરેલ છે.

મોરબીની જાંબુડીયા ગ્રામ પંચાયતના સરપંચ હંસાબેન આર. પટેલ સહિતના આગેવાનોએ તાજેતરમાં જિલ્લા પંચાયના પ્રમુખ હંસાબેન પારઘી તેમજ જિલ્લાના આરોગ્ય અધિકારીને લેખિતમાં રજૂઆત કરેલ છે તેમાં જણાવ્યુ છે કે, જાંબુડીયા ગામે નવા જાંબુડીયા વિસ્તારમાં પેટા આરોગ્ય કેન્દ્ર હાલમાં છે. જ્યારે જાંબુડીયાની હદમાં આવતું રફાળેશ્વર ગામ ત્યાંથી અંદાજિત ત્રણ કિલોમીટર દૂર છે ત્યાં આજની તારીખે અંદાજિત પાંચ હજારની વસ્તી છે અને અહીં મજૂર વર્ગની વસ્તી વધુ છે. ત્યારે લોકોના આરોગ્યની સુવિધામાં વધારો થયા તે માટે રફાળેશ્વર ગામે જ નવું પેટા આરોગ્ય કેન્દ્ર ફાળવવામાં આવે તેવી ગ્રામજનો વતી માંગ કરી છે.