મોરબીના લાલપર ગામ પાસે બાઇક સાથે બાઈક અથડાતા માથામાં ગંભીર ઈજા થવાથી આધેડનું મોત
Morbi Today
મોરબીમાં યુવાને પોતાના જ ઘરમાં અણધાર્યું પગલું ભર્યું: વાંકાનેરના પલાસડી ગામે ઇલેક્ટ્રિક શોર્ટ લાગતા પરણીતાનું મોત
SHARE
JOIN OUR GROUP
મોરબીમાં યુવાને પોતાના જ ઘરમાં અણધાર્યું પગલું ભર્યું: વાંકાનેરના પલાસડી ગામે ઇલેક્ટ્રિક શોર્ટ લાગતા પરણીતાનું મોત
મોરબીની ધર્મ સૃષ્ટિ સોસાયટીમાં રહેતા યુવાને પોતાના જ ઘરની અંદર ગળાફાંસો ખાઈને આપઘાત કરી લીધો હતો જ્યારે વાંકાનેર તાલુકાના પલાસડી ગામે રહેતી મહિલા પાણીની ઇલેક્ટ્રીક મોટર ચાલુ કરવા જતા તેને ઇલેક્ટ્રીક શોટ લાગ્યો હતો અને તેનું મોત નીપજ્યું હતું આ બંને બનાવની સ્થાનિક પોલીસને જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી.
મોરબીના બાયપાસ રોડ ઉપર આવેલ ધર્મસૃષ્ટિ સોસાયટીમાં રહેતા નિકેતભાઈ ત્રીકમજીભાઈ ડાભી (43) નામના યુવાને પોતે પોતાના ઘરમાં હતો ત્યારે ત્યાં પંખા સાથે ટુવાલ બાંધીને ગળાફાંસો ખાઈ લીધો હતો જેથી કરીને આ યુવાનનું ઘટના સ્થળે જ મોત નીપજ્યું હતું ત્યારબાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આપઘાતના આ બનાવની મોરબી સીટી એ ડિવિઝન પોલીસ સ્ટેશનમાં જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી અને યુવાને કયા કારણોસર આપઘાત કર્યો છે તે દિશામાં આગળની તપાસ મોરબી એ ડિવિઝન પોલીસ સ્ટેશનના એસ.કે.બાલાસરા ચલાવી રહ્યા છે
વાંકાનેર તાલુકાના પલાસડી ગામે રહેતા પાર્વતીબેન નરેન્દ્રભાઈ પરમાર (37) નામની મહિલા પોતે પોતાના ઘરે હતી ત્યારે ઈલેક્ટ્રીક મોટર ચાલુ કરવા જતા તેને ઇલેક્ટ્રીક શોટ લાગ્યો હતો જેથી કરીને આ મહિલાનું મોત નીપજ્યું હતું ત્યારબાદ તેના મૃતદેહને પીએમ માટે સરકારી હોસ્પિટલ ખાતે લઈને આવ્યા હતા અને આ બનાવ અંગેની હોસ્પિટલ મારફતે વાંકાનેર તાલુકા પોલીસ સ્ટેશન ખાતે જાણ કરવામાં આવતા પોલીસે અકસ્માત મૃત્યુના બનાવની નોંધ કરીને આગળની કાર્યવાહી હાથ ધરી હતી
