મોરબી જિલ્લામાં સરપંચ પદ માટે સૌથી વધુ છ ઉમેદવારો રવાપર ગામમાં..!
SHARE
JOIN OUR GROUP
મોરબી જિલ્લામાં સરપંચ પદ માટે સૌથી વધુ છ ઉમેદવારો રવાપર ગામમાં..!
મોરબી જિલ્લામાં આજે 197 ગ્રામ પંચાયત માટે ચૂંટણી યોજાઈ રહી છે જેમાં મોરબી જિલ્લામાં મોરબી તાલુકાના રવાપર ગામમાં ઉભેલા છે અને છ ઉમેદવારો સરપંચ પદ માટે આ ચૂંટણી લડી રહ્યા છે તેવા સમયે મતદારો પણ ઉત્સાહપૂર્વક મતદાન કરી રહ્યા છે અને વહેલી સવારથી જ રવાપર ગામના તમામ મતદાન મથકો ઉપર મતદારોએ મતદાન કરવા માટે લાઇનો લગાવી હતી.
મોરબી જિલ્લામાં કુલ મળીને 303 ગ્રામ પંચાયતની ચૂંટણી જાહેર કરવામાં આવી હતી જે પૈકીના 71 ગામ સમરસ થઈ ગયા હતા અને ત્યારબાદ 232 ગામમાં હતા તે પૈકીના 35 ગામની અંદર ચૂંટણીમાં ઉમેદવારી ફોર્મ ભરવામાં આવ્યા ન હતા જેથી કરીને આ ગામ સિવાયના કુલ મળીને 197 ગામની અંદર આજે સરપંચ અને સભ્યો માટે ચૂંટણીનું મતદાન ચાલુ છે તેનું મતદાન વહેલી સવારે સાત વાગ્યાથી શરૂ કરવામાં આવ્યું છે અને શાંતિપૂર્ણ માહોલની અંદર મતદાનની પ્રક્રિયા ચાલી રહી છે અને પોલીસ દ્વારા પૂરતો બંદોબસ્ત પણ સમગ્ર જિલ્લાની જે ગ્રામ પંચાયતની ચૂંટણી છે ત્યા મૂકી દેવામાં આવ્યો છે હાલમાં જો વાત કરીએ તો મોરબી તાલુકાના રવાપર ગામની અંદર સરપંચ પદ માટે સૌથી વધુ છ ઉમેદવારો છે જેથી કરીને હાલમાં તે છ ઉમેદવારોમાંથી ગામના સરપંચ ચૂંટવા માટે થઈને ગામના મતદારોમાં પણ ભારે ઉત્સાહ જોવા મળી રહ્યો છે અને વહેલી સવારે 7 થી રવાપર ગામના મતદાન મથકો ઉપર મતદારો દ્વારા મતદાન કરવા માટે લાઇનો લગાવવામાં આવી છે અને આગામી સમયમાં આ ગામના સરપંચ તરીકે જે કોઈ વ્યક્તિ ચૂંટાય તે ગામના વિકાસમાં અને લોકોની સુખાકારીમાં વધારો થાય તે પ્રકારની કામગીરી કરે તેવી લાગણી ગામના મતદારો દ્વારા વ્યક્ત કરવામાં આવી છે.
